Dan Ryan's Chicago Grill (又一城)

营业中

休息中

今日同老公喺又一城睇完戏，见到Dan Ryan 门口个牌写住牛扒做紧买一送一优惠， 就拣咗喺呢度食个晚餐。 职员话原来系星期三17：00后先有呢个牛扒优惠㗎咋，只要叫两杯正价饮品就可以enjoy呢个优惠。。 职员先送上一篮面包同muffin，啲包同muffin口感好松软，配合埋个士多啤梨牛油， 酸甜开胃，美味可口。而且食完仲可以refill 添😛 水牛城鸡翼系餐厅经典美式小吃，而且仲做紧美国月promote。鸡翼炸得松脆香口，加上酸香微辣嘅酱汁，味道层次丰富。配菜青瓜同芹菜配合埋酸忌廉，清新得嚟又可以中和下水牛城鸡翼嘅辣味。 牛柳切成细细旧，方便进食。牛柳十分软嫩多汁，口感丰富。旁边仲有3款调味料，海盐、茄汁、芥末。薯条炸得金黄香脆，带有少许薯皮，薯味浓郁。 最后当然要整返个饭后甜品啦，我哋拣咗而家八月做紧优惠嘅鲜焗美国苹果批，因为即叫即焗，所以要预早少少时间叫定上餐。苹果批饼底松脆，内有又香好又软嘅苹果，带少少许玉桂味，酸甜嘅苹果再配合埋云呢拿雪糕一齐食，味道口感一流。 呢度台面都会铺上一大张白纸，又有蜡笔提供，如果带埋小朋友嚟，都可以比佢哋画下画。