The Oyster House (已搬遷) 新店位置

会展有个bakery show，由于本人同朋友对焗品都系疯狂爱好者，行完已经攰到得返半条命，离开个时就净系想坐底食返餐。呢个时候，oyster house就出现了！离开会展，经中环广场天桥向铜锣湾方向(唔系湾仔地铁站个条)行去，一落楼梯转入第一条内街就已经系呢间情调小店既所在地。坐底咁攰梗系叫样即上既，就系海鲜拼盘啦。同埋主要因为只要叫两杯野饮就可以优惠价享用$99(星期一至三) $199(星期四至日)。配左杯house white，估唔到几好饮，易入口，偏甜，唔dry, acidity好balance，酒身较薄，系女仔会喜欢既酒。讲下个拼盘。生蚝一大一细，但其实系同一款蚝，虽然唔系专家，食唔出边度黎，但可以形容下。唔系好rich, 好creamy，反而系海水咸香，比较清新，配白酒唔太适合，因令白酒变酸，空口食口感味道更佳。带子鲜味，配上白酒更鲜甜！鲍鱼好入味，酱油既味道令成个人好醒胃，而且煮得软身，好易咬煎带子本菇木鱼丝带子一边煎得较硬一边较软，入口感觉好得意。本菇就已经煮淋，本身本菇菇味就唔浓，微弱既菇味同本身同是味道较淡既带子唔会互抢，平衡到两者既香，作为头盘都不失为一个好选择。