影片
更多
2022-07-07
2186 浏览
自从「中环街市」被活化之后，真喺令呢座历史建筑物带嚟180°转变，再者，内里开咗好多特色小店、餐厅，又搞吓展览，真喺带动多咗好多人流。讲到食，地下层更僻作美食广场，晌中环，美食广场真喺唔多，而呢个「中环食坊」搞得唔错。美食广场内有10间店铺，兜咗个睇睇，就想试试星马嘢，因为，印象中都好一段时间无食过，而小弟本身都几钟意星马菜。故此，就兜到过嚟近「德辅道中」呢边入口，主打新加坡菜嘅「蒲罗」（Pulau）晌佢铺面对住仲有多张餐枱，咁就更加方便。其实，整个美食广场仲有好多位，室内、室外都有，而一堆室外位仲设定成一个庭园，犹如城中绿洲，感觉几唔错，不过，一来费事捧住啲食物搬嚟搬去，二来天气有点闷热，都喺凉吓冷气舒服啲。晚市嘅选择就一张列表睇晒，上截喺主食，下截喺轻食，全部都喺散点，很可惜无啲加配优惠嘅选项，店家主要供应食物，如想饮嘢就要去另外啲铺头买喇。为方便客人，场内亦提供冷热饮用水，而旁边仲有部自动洗手机，又几好㖞。除晌柜位落单，亦可以利用二维码落单，更方便快捷。娘惹茶熏鸭配鸡油香饭及苏东鱼丸鸡汤 $82平常食星马嘢，主要都喺海南鸡饭、喇沙米线、肉骨茶，今次就专登拣啲未试过嘅。老友拣嘅茶熏
美食广场内有10间店铺，兜咗个睇睇，就想试试星马嘢，因为，印象中都好一段时间无食过，而小弟本身都几钟意星马菜。
故此，就兜到过嚟近「德辅道中」呢边入口，主打新加坡菜嘅「蒲罗」（Pulau）晌佢铺面对住仲有多张餐枱，咁就更加方便。
其实，整个美食广场仲有好多位，室内、室外都有，而一堆室外位仲设定成一个庭园，犹如城中绿洲，感觉几唔错，不过，一来费事捧住啲食物搬嚟搬去，二来天气有点闷热，都喺凉吓冷气舒服啲。
晚市嘅选择就一张列表睇晒，上截喺主食，下截喺轻食，全部都喺散点，很可惜无啲加配优惠嘅选项，店家主要供应食物，如想饮嘢就要去另外啲铺头买喇。
为方便客人，场内亦提供冷热饮用水，而旁边仲有部自动洗手机，又几好㖞。
除晌柜位落单，亦可以利用二维码落单，更方便快捷。
娘惹茶熏鸭配鸡油香饭及苏东鱼丸鸡汤 $82平常食星马嘢，主要都喺海南鸡饭、喇沙米线、肉骨茶，今次就专登拣啲未试过嘅。老友拣嘅茶熏鸭，其实就好饮似平常食嘅烟鸭胸，啲鸭胸肉好嫩好弹牙，好重烟熏香，兼且份量多，而配嘅鸡油饭好食㖞，饭粒分明，富油香，但就唔会好油腻。
巴东牛肉斑兰椰浆饭配苏东鱼丸鸡汤 $78小弟就拣咗巴东牛肉，贪佢配班兰椰浆饭，此外，更有少少食马拉碟头嘢嘅配菜：花生粒、青瓜片同鱼干，平常多数见喺煎蛋，但呢度就俾半只溏心蛋，整体嚟讲都几丰富。
先饮饮个鸡汤，几清香，但个人而言就有少少咸咸，幸而啲鱼丸唔错，唔似港式啲咁弹牙得咁交关，但就好有鱼味。
青青绿绿嘅椰浆饭真喺份外抢眼，饭粒分明，入口好软熟，而班兰味算喺几突出，带出丝丝清甜香味。
至于「黑掹掹」嘅巴东牛肉，份量可不少，咬落极之松化，除肉香，仲渗出复杂嘅香料味，再带少许辣劲，有一定质素。
街头鸡肉串烧 $62除咗两个主食，我哋亦想试试店家嘅轻食，所以，追加咗一客鸡肉串烧。睇样就烧得几靓仔，食落又真喺唔错，唔会烧到好干，仲食到鸡肉嘅嫩滑感，而附上嘅沙嗲真喺正，香浓惹味，富花生香，为串烧嘅味道提升几个层次。
刚才落单时，店员顺口为我推介附近另一家店「亚答屋」（Attap），正正喺佢哋嘅姊妹店，有机会下一次都可以试吓，不过，问过收银位妹妹仔，两间店都喺要分开各自落单，顺手影埋个餐牌俾大家参考。
今餐晚饭味道都唔错，以中环区而言，价位都喺咁上下啦。晌美食广场食嘢胜在自由，而且，选择又多，更唔收加一。
张贴
