影片
更多
2018-02-21
14414 浏览
仲有唔够几日就到新年了，一到左新一年最重要嘅节日，各个食肆一定人山人海的了，所以为左唔同人逼就提早同屋企人过节食个团年饭。往年嘅团年饭都系食中菜多，今年就带妈子食个自助餐等佢开心下。因为临近农历新年，酒店都布满新年装饰，好有气氛而全部财神公仔摆设都系人手做成，好趣致。加上环境寛敝座位间隔足够，坐得人几舒服。前菜先食左啲冷盘，寿司／沙律／小食都唔错，啱晒用黎开一开胃口，准备迎接呢度嘅四款限定食品。海鲜方面有五款可拣：长脚蟹／元贝／有壳虾／剥壳虾以及青口，虽然唔多但够新鲜，肉质爽口弹牙啖啖肉。调味唔太咸，沾少少茄酱啱啱好。话口未完就听到一阵铜片琴铃声，所以即刻去攞今晚嘅头盘：海胆刺身丼。饭量唔算多，但三文鱼／拖罗／玉子／海胆等粒粒堆到满，而且刺身够新鲜，海胆入口甘甜带奶香。之后帮妈子攞左碗坊间少有嘅虫草水鸭汤，味道清甜唔会好油腻，好啱近排干燥嘅天气滋润一下。系汤品区隔离系各类嘅熟食，方鱼炒芥兰／咖哩猪排／泡菜炒蛤／枝竹炆羊腩都系惹味之选，清淡啲仲有素食拣。其中个黑椒牛仔骨焦香味浓，够晒入味。食完咸品，就转食少少甜品中和一下。因为一入门口就系甜品区，各种精致甜品琳琅满目摆在眼前，首先食左啲个
因为临近农历新年，酒店都布满新年装饰，好有气氛而全部财神公仔摆设都系人手做成，好趣致。加上环境寛敝座位间隔足够，坐得人几舒服。
前菜先食左啲冷盘，寿司／沙律／小食都唔错，啱晒用黎开一开胃口，准备迎接呢度嘅四款限定食品。
海鲜方面有五款可拣：长脚蟹／元贝／有壳虾／剥壳虾以及青口，虽然唔多但够新鲜，肉质爽口弹牙啖啖肉。调味唔太咸，沾少少茄酱啱啱好。
海胆刺身丼
66 浏览
0 赞好
0 留言
50 浏览
0 赞好
0 留言
系汤品区隔离系各类嘅熟食，方鱼炒芥兰／咖哩猪排／泡菜炒蛤／枝竹炆羊腩都系惹味之选，清淡啲仲有素食拣。其中个黑椒牛仔骨焦香味浓，够晒入味。
食完咸品，就转食少少甜品中和一下。因为一入门口就系甜品区，各种精致甜品琳琅满目摆在眼前，首先食左啲个荔枝蛋糕，甜味偏清爽用黎过场中和一下味蕾就啱晒了，仲有各款杯子蛋糕造型都几吸引，卷饼都系即叫即整。钟意食甜品嘅一定要留肚食。
不消一会就到左第二道特色菜式出场：美国肉眼扒配芝士焗龙虾。一听到琴声就即刻去排队，员工们一边协助分发食物一边维持秩序，所以唔使担心攞唔到。
美国肉眼扒配芝士焗龙虾
55 浏览
0 赞好
0 留言
牛肉五成熟保持软嫩多汁。肉眼肉质素几高，入口牛油味香浓加上有少少焦香，真系食唔停口。龙虾肉都大只同弹牙，芝士唔会太多而盖过左虾肉嘅味道。厨师仲好有心思咁将蟹钳拆肉，酿入龙虾头之中。所以食时除左有虾膏嘅香仲有埋蟹钳嘅口感，正。
除左肉眼之外，呢度另一款牛排都唔可以放过，同样都系五成熟，但就可以根据自己食量让师傅现切出黎，不过都要记得＂食得晒先好嗌＂。
因为牛肉真系高质同食过翻寻味，所以即刻去ENCORE多转，同时食埋佢呢度嘅手作批萨。批萨偏轻盈，批底好薄脆，简单以芝士／蕃茄／辣肉肠调配已经好好食了。因为扒焗后方有个专用批萨炉，所以一REFILL师傅就会即场搓面团做出黎，所以客人食到嘅都一定热辣辣，脆卜卜。
鲍鱼／花胶／花菇伴脆米
59 浏览
0 赞好
0 留言
第三款琴声菜色系鲍鱼／花胶／花菇伴脆米。因为妈子爱花胶所以攞多碗俾佢食。鲍鱼同花胶都好入味炆煮得腍滑黏牙，配上脆米增添口感。而花菇吸收晒鲍汁嘅精华，味道绝不逊色于两者。
之后食多转牛扒都觉差不多了，就向甜品埋手。因为甜品真系好多款色，连雪糕都有九种味道真系要多一个胃先食得晒。
其中以红莓栗子蛋糕同TIRAMISU销路最好，无办法因为两个都做得好细滑，TIRAMISU嘅酒香怡人，栗子蓉嘅清淡加上甜度适中，大人细路食多两件都唔怕肥。
火焰雪山
64 浏览
0 赞好
0 留言
黎到结尾又再次听到铜片琴铃声，出场嘅系：火焰雪山。冰冻嘅红莓味雪糕淋上燃烧中嘅RUM酒，一黎就已经酒香扑鼻。入口味道微酸又冻质感似雪葩，用黎消除整晚食下来嘅饱滞感就啱啱好了。
餐厅整体环境舒适，食物类型亦够多同埋员工态度友善，以自助餐黎讲性价比都高。下次除左团年饭，黎呢度庆祝生日或者中同GATHERING都系个唔错选择。
张贴
