永隆正宗潮州滷水

营业中

休息中

呢间舖，买过好几次了，因为老公钟意食，所以有时收工都会行过去买，因为我系荔技角返工^^因为这间卤水真系好食，所以都系要写一篇先得 收工时间，都会有人排队，但排左一阵先到我，可能手脚慢d，要改善 买左卤水鹅，肾，扎肉，牛展，鹅肠先评卤水鹅，卤水入味，d卤水汁好香，返到屋企打开个盒，都仲有香味出来，鹅肉没有卤到好"鞋"，居然仲有滑的感觉，最怕食到d"鞋"到死 好似食烂布咁，呢个卤水鹅good，老公话非常好食，比好多名店好，如果即场食，可能更好 再评牛展，牛展系我至爱，平时最钟意食就系呢间卤水牛展，不会太硬，可以话软硬适中。再来肾和鹅肠，由于我唔食内脏，所以唔知点写，但老公就好钟意，佢话呢间出品都有水准 最后要评一评个扎肉，今次系我第一次买，我问过老细呢d咩来，佢话系自家制的炸扎肉，好好食咁话wu，我就信佢买左少少返去食，食第一旧，掂!!!!!very good，本身未识过食卤水扎肉，但我估计佢唔系将旧扎肉炸完再卤，应该系炸左先出来，再将卤水汁淋上去而已，但这个组合，很有惊喜，大家有机会真系要去试试 总结这店食评，有名店质素(感觉好过好多大潮州酒楼)，我认为最主要系个卤水汁出色，佢又有街坊价