影片
更多
2024-08-07
396 浏览
天气又湿又闷又热。又通宵睇奥运！今晚都系唔好煮嘢食啦。买外卖返屋企啦。行过呢间舖头见到一直都有街坊入去买嘢食，心谂街坊都拣得应该都唔差。而且好耐冇食过卤水野啦。见到佢门口有卤水鹅非常之吸引，所以就帮衬佢啦。而家买全日九折添，真系好抵呀！嗌咗个拼盘，拼盘就系因为心多嘅人，样样嘢都想食，所以啱晒我哋啦！一家几口，拼盘每样一块两块系非常之好嘅选择。而我同屋企人都系鹅肝迷，所以另外叫师傅再切多一兜先。之后见到佢嘅酸菜同埋菜脯亦都包装得好靓，亦都好吸引，忍唔住买咗几盒返屋企慢慢食，有阵时送下饭，送下面，喺呢啲炎热嘅天气里面真系一绝啊。等佢切紧嘅期间，见到啲剪报。原来呢间卤肉店已经有好多年历史已经做到第三代，唔怪得知咁多街坊帮衬，而且老板就系里面嘅师傅。佢非常之Nice会解释边啲地方又会问你想食乜嘢部位。舖头干净，企理，等外卖嘅时候都等得好舒服。拎到返屋企即刻打开嚟睇吓。原来卤水鹅片好腍，卤水味超香，而且唔系死咸死实味系淡淡嘅卤水香味，而且系食到肉汁㗎。鹅肝点返卤水汁又香又滑送饭一流，另一吸引嘅地方就系鹅肠，好爽口。而且系索索声，卤水物品一定系考功夫㗎啦，因为卤得太耐所有嘢都会霉晒，唔好食。而呢间
又通宵睇奥运！
今晚都系唔好煮嘢食啦。买外卖返屋企啦。
行过呢间舖头见到一直都有街坊入去买嘢食，心谂街坊都拣得应该都唔差。
而且好耐冇食过卤水野啦。
见到佢门口有卤水鹅非常之吸引，所以就帮衬佢啦。
而家买全日九折添，真系好抵呀！
嗌咗个拼盘，拼盘就系因为心多嘅人，样样嘢都想食，所以啱晒我哋啦！一家几口，拼盘每样一块两块系非常之好嘅选择。
而我同屋企人都系鹅肝迷，所以另外叫师傅再切多一兜先。
之后见到佢嘅酸菜同埋菜脯亦都包装得好靓，亦都好吸引，忍唔住买咗几盒返屋企慢慢食，有阵时送下饭，送下面，喺呢啲炎热嘅天气里面真系一绝啊。
等佢切紧嘅期间，见到啲剪报。
原来呢间卤肉店已经有好多年历史已经做到第三代，唔怪得知咁多街坊帮衬，而且老板就系里面嘅师傅。佢非常之Nice会解释边啲地方又会问你想食乜嘢部位。
舖头干净，企理，等外卖嘅时候都等得好舒服。
拎到返屋企即刻打开嚟睇吓。原来卤水鹅片好腍，卤水味超香，而且唔系死咸死实味系淡淡嘅卤水香味，而且系食到肉汁㗎。
鹅肝点返卤水汁又香又滑送饭一流，另一吸引嘅地方就系鹅肠，好爽口。而且系索索声，卤水物品一定系考功夫㗎啦，因为卤得太耐所有嘢都会霉晒，唔好食。
而呢间卤水舖头一定系有咁上下功夫先做到外边渗入卤水味里面香软软滑。连下便嘅滑豆腐都老到啱啱好。
一盒拼盘好快就食晒。好彩另外嗌咗盒鹅肝自私食。
所以呢间卤水店十分之推介。
张贴
