影片
更多
2016-06-03
633 浏览
传统冰室晌香港卖少见少，执一间就少一间，不过，近几年又兴番起啲怀旧冰室，虽然只可以叫做「仿」冰室，但内里嘅陈设却又几令我依等中坑怀念 。之前曾帮衬过罗麦记、南龙、金记好几间怀旧冰室，从食友嘅食评见到深水埗都有一家「老凤」，我作为半个深水埗人，无理由唔撑吓㖞 ，是夜就「老奉」撑场，顺便落鸭寮街买个USB充电插座将来旅行用。被标签为怀旧冰室，怀旧嘅装修喺卖点之一，入到店内，怀旧之物一件接一件，古老大钟、怀旧电影海报、黑白旧相、旧式广告……件件都入型入格，务求让大家重温70年代嘅情怀 。大家明白，铺租贵，地方浅窄，搭枱喺潜规矩。卡位旁挂起嘅「信箱」所插住嘅信件就喺餐牌，而个信箱印住荷里活道大酒店，第一时间就谂起尹光首「荷里活大酒店」：荷里活有间大酒店，有三个肥呀婆学踢波，学踢波，你又踢，佢又踢，卒之就踢咗落河…… 尹光喺乜水？可能好多90后都真喺唔多识佢。始终都喺冰室，嚟嚟去去嘅食物款式都喺𠮶几大类，小食、一丁、通粉、碟头饭、奶茶、咖啡……等等，价钱亦算相宜。不过，睇得出店主晌菜式上都加咗唔少心思，改良、变革令菜式加啲亮点，唔喺单卖环境，希望食物都为客人带嚟点点惊喜 。此外，枱上放
被标签为怀旧冰室，怀旧嘅装修喺卖点之一，入到店内，怀旧之物一件接一件，古老大钟、怀旧电影海报、黑白旧相、旧式广告……件件都入型入格，务求让大家重温70年代嘅情怀 。大家明白，铺租贵，地方浅窄，搭枱喺潜规矩。
卡位旁挂起嘅「信箱」所插住嘅信件就喺餐牌，而个信箱印住荷里活道大酒店，第一时间就谂起尹光首「荷里活大酒店」：荷里活有间大酒店，
有三个肥呀婆学踢波，学踢波，
你又踢，佢又踢，卒之就踢咗落河……
尹光喺乜水？可能好多90后都真喺唔多识佢。
始终都喺冰室，嚟嚟去去嘅食物款式都喺𠮶几大类，小食、一丁、通粉、碟头饭、奶茶、咖啡……等等，价钱亦算相宜。不过，睇得出店主晌菜式上都加咗唔少心思，改良、变革令菜式加啲亮点，唔喺单卖环境，希望食物都为客人带嚟点点惊喜 。
此外，枱上放有多款酱汁或调味料，比一般茶记有心。
芝士焗大虾保龄球 $78 咩叫保龄球？即喺以农夫包当餐碟，其他，依个做法都兴咗段日子，唔喺咩新嘢，但晌度个包壳够脆，包面又搽咗啲蒜蓉，另备有一兜芝士汁，撕开个包沾芝士食，正呀，所以，最后一滴芝士汁都无晒 ；而啲大虾都几鲜爽，唔喺雪藏货色，配炒饭底，整体真喺唔错。
原味波波冰镇奶茶 $24 其实晌茶记，红豆冰喺一份回忆，奶茶喺一种心水，难得有个将两者合而为一嘅选择，真喺二话不说拣中佢。因为点咗个饭，所以，依杯特饮只需加$14就可以喇，足足悭番10皮 。由于，以奶茶雪成波波冰当冰用，所以，杯奶茶由头饮到尾都无淡过，个茶底又够香，兼有唔少清甜嘅红豆食，哈哈，满足晒几个愿望 。
深水埗属于旧区，区内亦有唔少中上年纪嘅人，唔知「老凤」可唔可带俾佢哋丝丝怀旧嘅慰藉呢？餐厅个名令我谂起「老奉」一词，幸福真喺唔喺必然，无一样嘢喺你「老奉」会有，如果你睇乜嘢都喺觉得比人少、比人差，眼前永远只「剩」半杯水，而非「有」半杯水，「老奉」不知不觉间已成为你人性嘅本色！
张贴
