喜記蟹將軍 (iSQUARE國際廣場) (已搬遷) 新店位置

好耐无成家总动员一家六口出发去iSQAURE睇完电影，再同落去同公公食埋生日饭。好彩不嬲都会睇左Openrice先，用Openrice订座，大菜牌有八折，都悭唔少。🥢椒盐濑尿虾🥢濑尿虾有成8两重，鲜甜脆爽，油炸完又唔会好重油腻感，蒜香十足好惹味。🥢麻辣小龙虾🥢重口味兼嗜辣人士表示见到红当当既色泽已经好吸引，个汁劲正，麻辣过瘾，肉质紧实又弹牙，好食归好食，剥得咁辛苦得一啖肉。🥢蚝皇扣鲍鱼🥢唔知点解上一辈咁喜欢食鲍鱼，欣赏呢到既饱鱼肉身好饱满，唔会硬到咬唔开，而且好入味。🥢大蚬滑鸡煲🥢大有咁多鸡件同蚬煲出黎既汤，点会唔浓郁，上汤煮出黎既娃娃菜入哂味，呢道菜最主系佢个汤同菜，鲜甜到不得了！🥢酸菜鱼🥢卖相同我平时食既有少少唔同，同样地好食，够酸够辣差左少少麻姐，鱼肉就相当厚片嫩滑，配料仲有油麦菜。🥢瑶柱鸡蛋炒饭🥢相比起其他，炒饭显得清淡，不过好有获气，咸鲜既瑶柱丝加葱花几香口。