喜記蟹將軍 (iSQUARE國際廣場) (已搬遷) 新店位置

呢間野簡直係呃遊客錢，事關我娘親生日，諗住帶佢食蟹，見佢好似好出名咁，所以就試試佢！一嚟我就嗌左四人餐，加咗錢要大size嘅蟹，諗住開心啲，可以食得滿足啲！點知！真係實在太過分，蟹鉗啲肉小過一隻BB仔嘅手指尾！我唔係吹水，跟住個侍應就話呢排啲蟹都係比較細隻，我扣返$200比你啦！跟住我就食啦，油益味超重！啲肉有少少梅！一啲都唔好食！失望到極點！失望到我其他嘢都已經唔想再介紹，因為個主菜已經收了皮！可一不可再！絕對唔會再俾機會間野！PS:原諒我影相實在太靚，現實隻蟹真係唔掂！

同屋企人食飯多數都會食中菜，老豆突然話想食避風塘炒辣蟹，就搵到喜記🏃🏻‍♀️簡咗$1188既4人餐仲有埋羊腩煲，岩哂啲甘凍既天氣。☑️陳醋木耳拼胡麻醬青瓜前菜有齊木耳同青瓜🤣木耳用陳醋黎撈所以酸酸地又好香醋味，青瓜就好清脆fresh。☑️避風塘炒辣蟹點可以唔試下佢地既招牌，蒜蓉炸到勁香甘黎炒啲蟹，好難唔好食喎😋蟹肉好新鮮同嫩滑，爽哂啲味，一碟都唔係好夠食🤣☑️港式煎蠔餅蠔餅大大件，入面好多大大隻肥美既蠔仔🦪出面炸到好香脆。☑️古法羊腩煲天氣甘凍，真係想係甘食羊腩煲。哩到既羊肉炆到好腍，羊肉好入味，所以冇哂羊肉既羶味，入面都有腐竹同馬蹄。☑️西蘭花炒帶子我最鍾意食酒樓炒既西蘭花炒帶子，冇太多醬料清清地既味道，但同時又好香鑊氣，再有齊兩樣我鍾意食既野❤️☑️臘味粒炒飯冬天除咗係食羊腩煲，仲有就係臘味啦！入面有臘腸同臘肉，加埋蛋花一齊炒，又係好有鑊氣好香呀！

今日是過冬所以約了親戚們一齊吃晚餐吸取上年的教訓做節的餐要提早預訂尤其是晚餐我們都好喜歡吃海鮮所以我們都打算去吃海鮮大餐這次因為要遷就外婆外公所以在他們家附近吃飯一行十二人點了蟹將軍12人套餐$3298內含兩隻中蟹兩隻龍蝦🦞！♥️瑤柱蛋白炒飯炒飯炒得好乾身米飯粒粒分明正啊😎😎😎🧡招牌蟹油炒麵將蟹的精華炒進麵裡真的一點都不浪費而且炒麵中有濃郁的蟹油炒麵每啖都有蟹味💛家鄉蔥油雞雞肉滑溜好吃到連平時不吃雞皮的我都把雞皮吃掉😍💚金銀蛋浸時菜時菜鮮嫩一點都沒有「渣」浸菜的湯也非常鮮甜💙豉汁帶子蒸豆腐外婆外公最愛這道菜他們說自己煮也煮不出豆腐的滑蒸完的豆腐也沒有柴皮仍然滑滑的💜京蔥炒牛肉牛肉好易咬開一點都不硬不柴京葱炒更添香氣♥️清蒸沙巴龍躉新鮮的魚最好食清蒸最能保持魚肉的原汁原味魚肉滑溜三個字能形容：鮮、甜、滑🧡辣酒煮東風螺辣酒汁非常惹味東風螺也沒有好細粒入面的螺肉啖啖肉辣辣的有咬勁非常好下飯💛椒鹽鮮魷我最愛這碟因為鮮魷爽口加上椒鹽咸咸辣辣的好脆口無論下吃或單吃都非常美味😍😍💚蒜蓉粉絲蒸扇貝蒜蓉粉絲是絕配！加上扇貝非常新鮮洗得非常乾淨粉絲軟軟吸了蒜汁精華煮得十分入味💙上湯焗龍蝦龍蝦大大隻剪開蟹鉗大大

以前好鍾意食橋底辣蟹，自從變咗遊客熱點，加上現在甚少過海，都好耐冇食了。咁岩約咗朋友出尖沙咀，來搜尋食咩的時候發現有喜記～蟹將軍，就試你。當天在OpenRice reservation的時候，見到有優惠劵，心想好優惠。去到先發現原來要前一日買咗然後打電話預約。頓時失落！最後我哋3個人都點了一個2人餐，份量是足夠而且食唔晒，外賣左個蟹油粉麵。座位舒服，枱與枱之間亦有空間。埋單$800，其實3個人又有大肉蟹。價錢不貴！

嚟到呢個大閘蟹嘅季節，梗係要盡情食蟹！趁着屋企長輩大壽，我哋一家人就book咗位於尖沙咀iSquare嘅喜記蟹將軍，食個生日蟹宴🦀🦀之前嚟過幾次感覺都幾好，所以喺呢個重要日子又再encore呢間餐廳🤟🏻.久違地喺餐廳見到一大班親戚，我哋總共訂咗兩席，餐廳仲幫我哋用咗勁有中國特色嘅簾嚟間房😍私隱度勁高之餘，又唔使比其他人聽到我哋嘅交談，服務完全令我哋有賓至如歸嘅感覺💙為咗可以食多啲自己鍾意食嘅嘢，我哋今次就主要散叫，每席都有蒸大閘蟹、避風塘炒蟹同埋薑蔥炒蟹。每一款蟹嘅味道都好有特色，個人就最鍾意蒸大閘蟹，原汁原味，食到蟹最鮮甜嘅味道🦀食完之後超有罪惡感😈😈當然我哋唔只叫咗咁少嘢食，仲叫咗蒜茸粉絲蒸龍蝦、上湯龍蝦、蒜茸粉絲蒸扇貝、陳皮鮑魚、水煮魚、同埋蔥油雞等。有啲款式係之前食過覺得幾好食所以再encore，超推薦蒜茸粉絲蒸扇貝！！🤤🤤

屋企人勁鍾意食蟹，今次搞生日party決定食豪啲，call番個蟹將軍外賣。 開到出嚟見到份量好足、啲材料都好新鮮，成家都食得好滿足。嚟緊聖誕節搞Christmas party，食普通到會食到悶悶地，點返盤避風塘炒蟹，再加其他小菜式，似乎都係唔錯嘅選擇。 咁見得人嘅豪華外賣，有時就算公司啲活動，我都覺得呢間係可以成為頭先外賣之一。平時好日都唔咁樣叫外賣，已經脫節左邊一間好食抵食。今次15 人用餐，人均都係3 百幾蚊一位，有海鮮食又免運費 ，性價比都幾高。今次分別叫咗：上湯龍蝦伊面底啫啫生菜粟米魚塊（好細心，汁另上，魚塊唔會浸淋哂）豉椒炒蜆椒鹽骨黑椒牛仔粒櫻花蝦肉碎蒸釀豆腐牛油鹽燒奄仔

又到左秋季食大閘蟹好時機，尖沙咀出名多野食，但要搵豬間食蟹專門店唔係一件容易既事，友人今日特別約了到尖沙咀isquare喜記蟹將軍，驚喜萬分🥰🥰🥰1. 清蒸大閘蟹二人餐每人向兩隻，蟹肉香嫩微甘帶點菊花清香🦀🦀2. 粉絲蒸扇貝🥳🥳估唔到蟹將軍既海鮮同樣驚喜，扇貝肉質鮮嫩幼滑，非常新鮮3. 蟹油炒麵🍜🍜第一次嘗試食蟹油炒麵，感覺似食蝦子麵但混合蟹肉香味，蟹油味超超超超香👍👍4. 避風塘炒蟹及蟹肉粉絲煲🦀🦀另外原來搞手Openrice 點大菜牌仲有8 折，忍唔住再叫埋避風塘炒蟹同粉絲蟹煲，兩款都只不過係$850，大大碟，尺寸仲要係大碼size。喜記蟹將軍其實小炒同樣吸引，好似炒班球及大蝦🍤甘，估唔到除左蟹之外，其他海鮮同樣出色😎😎

好耐無成家總動員一家六口出發去iSQAURE睇完電影，再同落去同公公食埋生日飯。好彩不嬲都會睇左Openrice先，用Openrice訂座，大菜牌有八折，都慳唔少。🥢椒鹽瀨尿蝦🥢瀨尿蝦有成8兩重，鮮甜脆爽，油炸完又唔會好重油膩感，蒜香十足好惹味。🥢麻辣小龍蝦🥢重口味兼嗜辣人士表示見到紅噹噹既色澤已經好吸引，個汁勁正，麻辣過癮，肉質緊實又彈牙，好食歸好食，剝得咁辛苦得一啖肉。🥢蠔皇扣鮑魚🥢唔知點解上一輩咁喜歡食鮑魚，欣賞呢到既飽魚肉身好飽滿，唔會硬到咬唔開，而且好入味。🥢大蜆滑雞煲🥢大有咁多雞件同蜆煲出黎既湯，點會唔濃郁，上湯煮出黎既娃娃菜入哂味，呢道菜最主係佢個湯同菜，鮮甜到不得了！🥢酸菜魚🥢賣相同我平時食既有少少唔同，同樣地好食，夠酸夠辣差左少少麻姐，魚肉就相當厚片嫩滑，配料仲有油麥菜。🥢瑤柱雞蛋炒飯🥢相比起其他，炒飯顯得清淡，不過好有穫氣，鹹鮮既瑤柱絲加蔥花幾香口。

約左三位朋友係尖沙咀食飯其中一位岩岩過大健康檢查 話要食番餐痛風餐😋我地叫左馳名避風塘炒蟹四人餐另外再叫多4隻賴尿蝦另外仲有其他海鮮同菜🔆招牌避風塘炒蟹痛風餐點少得蟹，呢度嘅炒蟹係用左中size的肉蟹，再加上避風塘炒式煮法，炒得好香，因為生炒嘅關係，所以鮮味保留係蟹入面。🔆椒鹽賴尿蝦椒鹽賴尿蝦整得好香脆，椒鹽味心晒入去蝦肉裏面。🔆北海道大扇貝扇貝非常鮮味，配上蒜蓉同埋海鮮就係最佳配搭。🔆豉椒炒蟶子小編係勁鍾意食蟶子，所以一見到就會雙目發光，蟶子非常新鮮，肉質彈牙鮮味。🔆秘製豉椒炒蜆炒蜆亦都唔錯，食唔到有沙，亦都因為生炒嘅關係所以蜆肉嘅鮮味冇流失。🔆椒鹽骨椒鹽骨整到趣卜卜非常惹味🔆招牌蟹油炒麵第一次食蟹油炒麵，都幾香。🔆銀蛋浸時蔬食咗咁多海鮮同埋重口味嘅嘢，當然要食返個菜你中和下啦。

咁啱舅父生日，大家終於就到時間岀黎食餐飯，之前疫都係屋企做咗廚神好耐，終於可坐低食番餐。老人家就鍾意食中菜，所以搵到呢度又有海鮮又有中菜食。好，坐低睇吓有咩好食先，6人餐都好多嘢食喎。喜記正宗炒辣蟹，炒得好香，好有避風塘炒果種感覺。麻辣小龍蝦，有好多隻小龍蝦，好抵食，麻辣得黎唔會太辣。豉椒炒蜆，炒得啱啱好，唔會overcook 蜆肉夠大粒有咬口。蠔皇扣鮑魚，鮑魚炆得夠入味，咬落彈牙。酸菜魚，有好多魚片，魚片冇骨，夠滑。椒鹽骨，炸到脆卜卜，啖啖肉，份量都好多。大蜆滑雞煲，雞件多肉夠滑，仲有時菜，個湯底多濃味。

好耐冇同親戚聚會食飯。 趁爺爺👴🏻生日，大家一起食餐好😋 我地選擇左位於尖沙咀的「喜記蟹將軍」 。 餐廳地段方便，而且食物都有質素我地點選左「8人餐」，夠哂豐富！ -當中我最鍾意既食物有： 🌟 蟹肉紫菜蛋白湯湯底清甜，加了蟹肉，多了一份鮮香。 秋冬時份，最適合來一口暖湯。-🌟喜記正宗炒辣蟹我們選了兩款口味，分別是避風塘及薑蔥。 避風塘的乾蒜炒得乾爽香口，微辣開胃，蟹肉夠鮮。 而薑蔥蟹，掛住食，忘記了相機食先📷😭。-🌟清蒸沙巴龍躉最喜歡酒樓的蒸魚，蒸魚的豉油香甜，魚肉蒸得剛剛好，滑不溜口。-🌟蒜蓉粉絲蒸扇貝爺爺最愛的蒸海鮮！ 扇貝肥美爽彈，簡單地加蒜蓉粉絲去蒸，十分味美。-🌟大蜆滑雞煲蜆肉爽甜無沙，鮮雞肥美，肉質紥實。湯底濃郁鮮甜。-🌟招牌蟹肉炒麵令人讚不絕口的炒麵！ 炒得爽身不油，加了蟹肉，份外鮮香。

大閘蟹套餐 $598 2位用套餐都有好多野食，有胡麻醬青瓜、4隻清蒸江蘇大閘蟹、2隻蒜蓉粉絲蒸扇貝、蟹粉扒時蔬、招牌蟹油炒麵，最後仲有甜品😃😃2人份量但嘢食嘅份量絕對係有性價比高👍🏻👍🏻前菜的青瓜好爽口，加埋胡麻醬就食得更滋味🤩🤩蒸大閘蟹就有2隻母約3兩，2隻公4兩，望落去都幾大隻，滅開之後d蟹膏爆出黎😚😚好多膏我自己就中2公多d😃除左蒸大閘蟹之外，仲有蒸扇貝，好大隻的扇貝肉，再加上蒜蓉水同埋薑蔥蒸，令到粉絲好入味，好想再食😆😆之後個西蘭花都係用蒜蓉炒，又係好惹味🤪🥸我食到依度已經有d飽，但係佢哋嘅招牌蟹油炒麵非常吸引，嚟到嘅時候聞到好香，之後越食越滋味，不知不覺間就食晒全碟🤪最後仲整咗兩碗熱嘅番薯糖水😚好足料嘅番薯，食飽超級滿足！

又到了一年一度吃大閘蟹的季節, 一早預訂了這間位於尖沙咀isquare 的吃蟹專門店和家人吃個飽餐廳提供了大閘蟹套餐, 四人餐有大閘蟹八隻, 和其他主菜, 一定吃到飽, 又划算主角出場了!! 四人餐有大閘蟹八隻, 四隻公買隻乸, 每隻大約重三両, 都十分大隻熱騰騰的一打開已經見到蟹膏滿滿,蟹膏清香又清甜, 蟹肉充滿濃郁蟹香, 吃得十分滿足黑松露蜜豆炒沙巴龍躉球 - 一上台已經可以聞到黑松露的香氣, 加上原條沙巴龍躉伴碟, 賣相一流。沙巴龍躉球魚肉厚實, 肉味鮮甜雞煲翅 - 看到雞湯是濃濃的金黃色已經感受到雞湯是十分濃郁, 雞味極為香濃，香氣入骨，雞肉非常鮮嫩蒜蓉粉絲蒸元貝 - 元貝大大隻, 蒸到剛好, 蒜蓉和粉絲是絕配, 送飯一流這間吃蟹專門店果然沒有令人失望, 真係可以用回味來形容, 值得一試

又到左每年最期待食大閘蟹嘅季節啦🦀 今次就去左專門食蟹既喜記蟹將軍食金秋大閘蟹2人套餐啦🤤2人大閘蟹宴包括左：胡麻醬青瓜清蒸江蘇大閘蟹母 3兩 2隻清蒸江蘇大閘蟹公 4兩 2隻蒜蓉粉絲蒸扇貝 2隻蟹粉扒時蔬 招牌蟹油炒麵合時甜品比起大閘蟹放題 我哋更加鍾意食大閘蟹套餐🥰 因為可以慢慢食 唔會浪費咗隻大閘蟹 仲可以食到不同用大閘蟹製作嘅小菜👅今晚嘅大閘蟹隻隻爆膏 蟹粉扒時蔬 蟹粉嘅份量十足😍 蟹油炒麵香味撲鼻 每款都好好食 值得一試🌟

想食大閘蟹，唔想自己整，又唔想食任食趕頭趕命。所以上網搵食評，之前見過話蟹將軍喜記好食，所以選擇喜記4位$1288 的套餐。因為他話蟹要等20 分鐘，所以我哋叫上其他餸先食，可能估計錯誤，蟹和餸一齊嚟，因為4 人枱，當蟹和餸放在一起就好逼了。蟹是可以的，套餐已經寫清楚size, 公母每人一隻，喜歡食公所以加了2 隻。套餐的翅像素翅，蒸雞有雪味，魚的黑松露味食唔出，冇咩味。炒飯我覺得可以，但同行的小朋友不喜歡雪菜，可能唔落雪菜再炒乾身D個飯更好食。甜品的蕃薯糖水有驚喜，夠薑，好食。埋單連茶芥，花生，加一 $1684/4。唔係貴但我相信散叫應該會更好食。