榮興粥麵家

营业中

休息中

男朋友间中会落元朗食野，佢带我黎呢间食狗仔粉（粉仔）既小店，话好好食。本身都钟意食狗仔粉，蓝妹姑且信下佢啦。☺️—果到地方比较残旧，不过蓝妹觉得通常呢啲铺头既野食都唔会差。—男朋友话狗仔粉好食，一定要试下啦。😆细细碗，份量唔算多。我地叫完冇耐，果日已经卖哂，于是我地怀疑我地2碗系最尾既货仔，所以啲粉都比较短同碎🤔 汤水好杰身，蓝妹觉得偏咸。里面有啲虾米仔，好香。如果唔食菜甫既，记住叫佢走菜甫喔。🤗—腐乳通菜都算靓既，起码好鲜既青色，食得好开心。☺️—求其叫左啲大肠，萝卜同牛柏叶。我地叫左唔要咖哩汁，要腩汁，但最后都系照上左咖哩汁😨咖哩汁都几辣下，但好惹味。大肠正，唔会好多肥膏。