影片
更多
2023-01-29
755 浏览
周六共三位朋友约左谂住食餐海鲜，但系成个用餐体验就比一个老细搞wan晒🤷纵观全部海鲜都新鲜、味道正常，姐姐都几好服务，就系个老细态度有问题。食左成餐，个老细就闹左D员工咁耐，明明个姐姐执紧其中一个客的碗碟，个老细一把老牛声：「呀X，你摆低D野过嚟！！」叫走左个姐姐闹！！？？我见到个客个样当堂「吓？」左出嚟😨。老细成晚就系走嚟走去，老点D员工去边枱边枱做野。佢一定觉得间店多得佢睇实，其实成日打断姐姐D工作就真，而且忙极佢都系出把口only。老细一定觉得自己运筹帷幄，好enjoy掌控全局的感觉。因为本身我张枱睇到厨房门口，见到老细唔系净系楼面闹，佢厨房门口又闹，员工洗紧海鲜又要比佢闹，仲要系𠮶种不可一世的态度，大大声比客听到咁闹：「我叫左你做咩就做咩，照我讲咁做，唔好做多做少，你明唔明呀？！」咁嘅意思重复左两三次咁闹。下次应该又会话「你见到个枱要帮手就醒水啦，唔好一look木咁！」🤷最惨就系D姐姐跟著个咁嘅老细，返工劲大压力。讲返餐饭，我哋要左$398价位的套餐，但系个粥好揾苯，要另加$78先有，本身个餐有埋乌冬，三个女仔够食有突就无加到，但系成$400一个餐连粥都唔包就唔系咁合理啦。而且
纵观全部海鲜都新鲜、味道正常，姐姐都几好服务，就系个老细态度有问题。
食左成餐，个老细就闹左D员工咁耐，明明个姐姐执紧其中一个客的碗碟，个老细一把老牛声：「呀X，你摆低D野过嚟！！」叫走左个姐姐闹！！？？我见到个客个样当堂「吓？」左出嚟😨。
老细成晚就系走嚟走去，老点D员工去边枱边枱做野。佢一定觉得间店多得佢睇实，其实成日打断姐姐D工作就真，而且忙极佢都系出把口only。老细一定觉得自己运筹帷幄，好enjoy掌控全局的感觉。
因为本身我张枱睇到厨房门口，见到老细唔系净系楼面闹，佢厨房门口又闹，员工洗紧海鲜又要比佢闹，仲要系𠮶种不可一世的态度，大大声比客听到咁闹：「我叫左你做咩就做咩，照我讲咁做，唔好做多做少，你明唔明呀？！」咁嘅意思重复左两三次咁闹。下次应该又会话「你见到个枱要帮手就醒水啦，唔好一look木咁！」🤷最惨就系D姐姐跟著个咁嘅老细，返工劲大压力。
讲返餐饭，我哋要左$398价位的套餐，但系个粥好揾苯，要另加$78先有，本身个餐有埋乌冬，三个女仔够食有突就无加到，但系成$400一个餐连粥都唔包就唔系咁合理啦。
而且去到卖单，原来仲收茶芥（D茶淡如水）同小食钱（花生、荞头） ，加加埋埋每人$459总共$1377，佢仲要求$1500以下要比现金，正常咁大金额点会比现金呀，收埋咁多附加费，够老细比信用卡手续费有突啦！跟住我哋咪话无咁多现金攞，个老细先肯收信用卡，仲要当住我哋面前反左个大大白眼🙄。
一开始上左一碟刺身先，其他三文鱼𠮶D都好正常，带子仲甜甜地添，但个象拔蚌就麻麻地。师父切得厚，而且个色又唔系平时白雪雪𠮶D，应该系尾位，食落仲有少少腥，所以我哋蒸熟左先食，反而正路D😂
之后的蒸海鲜都好正常，不过佢系行无调味风格。佢就有个酱料吧，比客人调豉油点海鲜食。其实只要海鲜新鲜加少少咸味就好好食。不过跟带子的粉丝同最后的蒸鸡蔬菜乌冬盘的栗米，始终要蒸多次先够熟食得落。
老老实实，成500蚊一餐，老细又咁赶客，真系无下次。
刺身拼盘
15 浏览
1 赞好
0 留言
$459
22 浏览
0 赞好
0 留言
张贴
