合時小廚 (裝修中)

老板请食饭，有同事介绍合时小厨，一行6人就黎试吓。同事话呢间野日日都咁多人，已经一个月前订位，但都俾另一班人攞咗张大圆枱，因为人地有8个人。去到坐底，地方浅窄，坐底就唔可以再郁，唔系会撞到后面张櫈。点咗几样推介菜式，先来莲藕饼。莲藕饼非常香脆，用料十足。啖啖肉，除咗莲藕仲有葱同埋爽口嘅粒粒，口感正，味道好。唯独有d热气，要饮返d酒清吓热。再来系虾多士，好大件，夹一件，已经填满只碗，炸到金黄色，香脆可口，而且非常厚虾肉，坚系俾足料，厚厚虾肉下面仲有只虾，喜欢食虾嘅朋友唔好错过不过食完一件就饱咗一半～跟住系古捞肉，听闻系用五花腩包住旧肉嚟整，食落又真系唔同d㖞，系好厚肉嘅质感，唔系一般厚炸粉嘅古捞肉，唔错。金银蛋香菜，同一般冇乜分别，味道较浓。蒸蟹饭，呢个坚系正，未食蟹，净食啖饭，捞埋d汁，已经好正，饱咗都想再食，蟹本身亦有膏，好味。炸子鸡，皮脆肉嫩，冇得挑剔。最后有糖水，系南瓜芋头西米，好香，唔会好甜，系好味嘅甜品。呢餐食得饱饱，好满足。