影片
更多
2020-01-11
2706 浏览
老牌与潮流并存嘅新派居酒屋，由菜色设计到环境装修，完全冇谂过会系一间开咗超级廿年嘅老店，隔咗咁多依然咁潮不愧为兰桂芳餐厅正因为开咗咁多年，最近餐厅推出新menu当中有个rock and roll combo，结集咗六款唔同风格嘅新派卷物，见证廿年嚟饮食潮流嘅变迁。由最初嘅经典彩虹卷到慢慢转为炸物同牛油果为主调，再到加咗微辣嘅免治鱼蓉甚至将寿司拎去炸，当然到最新潮流索性将牛油果取代寿司米成为无饭卷物众款当中至爱spicy tuna crunch，底部寿司饭炸至黄金色加上顶层堆到成座山嘅吞拿鱼蓉，鱼蓉除咗打得幼滑仲加咗少少脆片增加口感，层次感非常丰富。另外新menu嘅其他菜色都好吸引，两款前菜均以吞拿鱼为主要食材，沙律用幼嫩且重鱼香嘅赤身位配以淋上酸甜并重嘅沙律醋汁，两者结合相得益彰而吞拿鱼他他更加系完美表现新派日菜嘅风范，将鱼油香极重嘅拖罗打成软滑非常嘅鱼蓉状，同时混入带有墨西哥风嘅微辣脆脆以增添口感，再用生菜包住嚟食，以清新感解决腻口嘅问题，成件事非常出色至于主菜方面就偏向稳重路线，烧牛肉够惹味，除咗微焦香仲带牛香，而且以芝麻酱增甜减腻，令味道上再多点变化，同时又唔会抢咗个牛味，好过大
正因为开咗咁多年，最近餐厅推出新menu当中有个rock and roll combo，结集咗六款唔同风格嘅新派卷物，见证廿年嚟饮食潮流嘅变迁。由最初嘅经典彩虹卷到慢慢转为炸物同牛油果为主调，再到加咗微辣嘅免治鱼蓉甚至将寿司拎去炸，当然到最新潮流索性将牛油果取代寿司米成为无饭卷物
众款当中至爱spicy tuna crunch，底部寿司饭炸至黄金色加上顶层堆到成座山嘅吞拿鱼蓉，鱼蓉除咗打得幼滑仲加咗少少脆片增加口感，层次感非常丰富。
另外新menu嘅其他菜色都好吸引，两款前菜均以吞拿鱼为主要食材，沙律用幼嫩且重鱼香嘅赤身位配以淋上酸甜并重嘅沙律醋汁，两者结合相得益彰
而吞拿鱼他他更加系完美表现新派日菜嘅风范，将鱼油香极重嘅拖罗打成软滑非常嘅鱼蓉状，同时混入带有墨西哥风嘅微辣脆脆以增添口感，再用生菜包住嚟食，以清新感解决腻口嘅问题，成件事非常出色
至于主菜方面就偏向稳重路线，烧牛肉够惹味，除咗微焦香仲带牛香，而且以芝麻酱增甜减腻，令味道上再多点变化，同时又唔会抢咗个牛味，好过大把净系识用和牛然后净系识食肥油零牛味只靠调味料嘅餐厅好多倍
另一款烧鲈鱼更系上天堂之作，鱼肉质感超嫩滑唔洗点咬已经滑入喉咙，而且鱼油香浓，加上味噌同蛋黄酱配合令味道更香口，更有日式酱烧嘅风格。当然作为兰桂芳嘅餐厅，呢度仲有好多唔同种类嘅清酒同调酒，爱酒之人都可以畅食畅饮呢
张贴
