影片
更多
2024-01-06
503 浏览
其实小弟就唔系第一次食座银，本身已经去开跑马地店同中环店。为咗唔想令大家对新开店的幻想破灭，今次我姑且写得轻力少少。今次试咗佢嘅海鲜鸡汤面但其实我叫左海老鸡汤……因为已经见佢就嚟打烊所以唔想劳烦佢地都系自己算食咗佢算但原来系我自己太好人……讲返碗面，以座银嘅水准嚟讲，我唔收货。你当我系嘴刁又好麻烦又好个牛蒡炸过龙，脆系脆但有㶶同涩味。汤底畀鱼介嘅味道遮盖咗鸡汤嘅味道。面质唔错比较烟韧，可惜间间座银都一样系咁好。两块肉系正常发挥。个烟熏蛋我额外追加但我唔期望佢系放落个汤度，因为其他店都系分开上……佢咁样放一放咗落个汤度佢烟熏味有少少畀啲汤冲散咗…而家新店都冇办法做返第一间座银系香港开张时的惊艳感，业务扩张，都系好事嘅…畀更加多人认识…但已经个人觉得不复当年。面嘅相就真系冇乜好影，反正呢间都唔系第一间。不过其实里面嘅装潢都唔错。繁忙时间搭枱我觉得好合理，可能赶收舖都算繁忙时间啦。咁我一个人食就无乜say㗎啦。我坐𠮶张枱系明明系二人枱，但侧边摄多咗个位变咗我坐咗喺对情侣侧边，咁就有啲尴尬…………另外，唔建议店长店员倾计时大大声讲起其他店。不过整体嚟讲其实店员嘅服务态度都好好。食完饭找埋数，本
本身已经去开跑马地店同中环店。
为咗唔想令大家对新开店的幻想破灭，
今次我姑且写得轻力少少。
今次试咗佢嘅海鲜鸡汤面
但其实我叫左海老鸡汤……
因为已经见佢就嚟打烊
所以唔想劳烦佢地都系自己算食咗佢算
但原来系我自己太好人……
讲返碗面，以座银嘅水准嚟讲，我唔收货。
你当我系嘴刁又好麻烦又好
个牛蒡炸过龙，脆系脆但有㶶同涩味。
汤底畀鱼介嘅味道遮盖咗鸡汤嘅味道。
面质唔错比较烟韧，可惜间间座银都一样系咁好。
两块肉系正常发挥。
个烟熏蛋我额外追加但我唔期望佢系放落个汤度，
因为其他店都系分开上……佢咁样放一放咗落个汤度
佢烟熏味有少少畀啲汤冲散咗…
而家新店都冇办法做返第一间座银
系香港开张时的惊艳感，
业务扩张，都系好事嘅…畀更加多人认识…
但已经个人觉得不复当年。
面嘅相就真系冇乜好影，
反正呢间都唔系第一间。
不过其实里面嘅装潢都唔错。
繁忙时间搭枱我觉得好合理，
可能赶收舖都算繁忙时间啦。
咁我一个人食就无乜say㗎啦。
我坐𠮶张枱系明明系二人枱，但侧边摄多咗个位
变咗我坐咗喺对情侣侧边，咁就有啲尴尬…………
另外，唔建议店长店员倾计时大大声讲起其他店。
不过整体嚟讲其实店员嘅服务态度都好好。
食完饭找埋数，本身已经出咗舖头
谂谂下都系行返转头好心提下个店长
佢哋嘅员工落错咗单…建议店员覆一覆单先
我拎住张单轻轻讲咗句：「唔好意思想讲少少嘢」
店长问咗我一句：「讲咩呀！？」
我相信佢都系冇心嘅…
但我第一下嘅感觉的确好似畀人凶咁…
好坦白讲就算系跑马地店同中环店
近年食已经觉得有啲跌watt。
可能系我已经食惯咗冇咗最初嘅感觉
但我对于座银嘅初心依然系无变…
今次嚟新店嘅时候其实带住唔少期望，
都唔可以话觉得失望嘅…
但依然都希望可以食返最初嘅座银…
张贴