影片
更多
2019-01-06
942 浏览
打住「米芝莲一星餐厅」嘅旗号，莆田近年分店越开越多。早两日同友人行街经过，既然行到饿饿地，就乘机入去朝下圣。莆田荃湾店环境清雅，装修简洁舒适，下午茶时段人流唔算多，大概只有4－5台客，职员可能为咗方便做嘢，唔想啲客分得太开，结果搞到大家都坐得好迫，再加上职员态度麻麻，不免令用餐过程少咗几分闲适，平添几分烦躁。餐具本身虽然别致，但干净程度只系一般，杯上有几挞可以抹得走嘅污渍，可见此店员工喺清洁上唔算十分上心，多少有啲倒胃口，有啲可惜。莆田嘅「下午茶·聚」有两个价位，分别系$49(2点心+主食+甜品)同$59(2小菜+主食+甜品)，免茶钱，但需另收芥钱同加一。感觉上点心比小菜吸引，于是叫咗两个$49set：点心：杞子白米糕 + 古法蕃薯包杞子白米糕 + 莆田糯米丸主食：兴化炒米粉酱爆肉丝汤面甜品 (无得拣)：一粒红枣银耳羹先讲最迟上菜嘅主食，兴化米粉系今餐嘅亮点(没有之一)，米粉幼身但不粉糊，系真正嘅「白如雪，细如丝」，再配上惹味嘅配料，称得上系味浓鲜美，惟一缺点就系唔够热。珠玉在前，另一主食酱爆肉丝汤面就显得非常逊色。兴化米粉有几令人惊艳，肉丝汤面就有几令人失望，卖相普通，感觉似快餐店肉
莆田荃湾店环境清雅，装修简洁舒适，下午茶时段人流唔算多，大概只有4－5台客，职员可能为咗方便做嘢，唔想啲客分得太开，结果搞到大家都坐得好迫，再加上职员态度麻麻，不免令用餐过程少咗几分闲适，平添几分烦躁。餐具本身虽然别致，但干净程度只系一般，杯上有几挞可以抹得走嘅污渍，可见此店员工喺清洁上唔算十分上心，多少有啲倒胃口，有啲可惜。
莆田嘅「下午茶·聚」有两个价位，分别系$49(2点心+主食+甜品)同$59(2小菜+主食+甜品)，免茶钱，但需另收芥钱同加一。
感觉上点心比小菜吸引，于是叫咗两个$49set：
点心：
杞子白米糕 + 古法蕃薯包
杞子白米糕 + 莆田糯米丸
主食：
兴化炒米粉
酱爆肉丝汤面
甜品 (无得拣)：
一粒红枣银耳羹
先讲最迟上菜嘅主食，兴化米粉系今餐嘅亮点(没有之一)，米粉幼身但不粉糊，系真正嘅「白如雪，细如丝」，再配上惹味嘅配料，称得上系味浓鲜美，惟一缺点就系唔够热。
兴化米粉
41 浏览
0 赞好
0 留言
珠玉在前，另一主食酱爆肉丝汤面就显得非常逊色。兴化米粉有几令人惊艳，肉丝汤面就有几令人失望，卖相普通，感觉似快餐店肉丝米再多送一条菜。只有肉丝，没有酱爆，口味偏淡嘅我亦觉得唔够味，汤面唔够热令口感更差，以致食完成餐饭我仲后悔紧「早知唔叫酱爆肉丝汤面」。
酱爆肉丝汤面
61 浏览
0 赞好
0 留言
点心同甜品以小碟形式盛载，放喺一个三格小木盒上菜，相当有心思。
38 浏览
0 赞好
0 留言
上：古法蕃薯包、杞子白米糕、红枣银耳羹
下：莆田糯米丸、杞子白米糕、红枣银耳羹
本来系想要份酥炸莆田扁肉，不过职员话冇惟有叫两碟杞子白米糕，事实证明冇拣错。本来担心会好似一般白糖糕甜中带酸，但实际上莆田嘅杞子白米糕完全冇酸味，清甜得嚟口感亦相当软韧。
相比之蕃薯包同糯米丸就比较一般：糯米丸其实只系擂沙汤丸，入面有芝麻馅， 但系唔会太甜；蕃薯包冇咩蕃薯味，口感偏实，冇咩特别。
红枣银耳羹(涷)甜度适中，放喺最后食清清口腔内嘅油腻感就啱啱好。
同场加映莆田扁肉汤($19)，系喺福建住过一段时间嘅友人点名要求叫嘅。莆田扁肉汤系「莆田十最」之一，友人嘅评价只系「尚可」同「过酸」，自己食完都觉得偏酸，食唔出汤头嘅原味，亦掩盖左扁肉嘅味道。细细碗，同样唔够热，令人惋惜。唔难食，但唔会觉得系一间餐厅招牌菜之一应有嘅水准。
莆田扁肉汤
30 浏览
0 赞好
0 留言
以价钱嚟睇，莆田下午茶算系不过不失，口感轻盈唔算油腻，但无论系服务定食物质素，都好难同集团本身嘅口碑同殊荣扯上关系。会有下次，都只系睇在佢价钱尚算相宜同环境清雅嘅份上，而唔系佢「米芝莲一星」嘅美誉。
张贴
