好德來小籠包店 (已結業)

今晚放工约左人系佐敦整D野，好快速整完，见时间尚早，随即冲嚟呢度食个晚饭（因为晏D会满晒座架）。佐敦地铁站穿过好耐历史既恒丰中心就嚟到，坐底左后职员立即放底左大大只字既牌，写住最底消费，well，白纸黑字写明，其实叫碗面，加杯野饮过晒有余啰。一如以往，我都系食排骨汤面，今次加多左锅贴（一客三只），另外饮热茶（2蚊茶钱），每次食呢个排骨都系大大件，厚炸，而且仲有肉汁，汤面分开上，汤面系比较淡口既，至于锅贴，煎到个底好脆，明显煎既时候好足够，热茶系茉莉茶味（我觉得）。