影片
更多
2018-12-27
1489 浏览
每到聖誕節,老爺奶奶都會帶住我地一齊去唔同既酒店去食lunch buffet!今年就試下呢間...一去到時就已經放好哂帽,頭箍等等既玩意係枱上,每個人都可以拎黎玩同影相,開心一番!好多唔同種類既野食!有泰式,中式,印度菜,西式,日式,甜品等等....多不勝數!服務員嘅態度都非常友善,不論收碟速度同斟水次數都相當快同頻密!證明左職員們都係一眼關七,效率高,服務態度好,令客人唔需要叫佢地斟水另外,係聖誕節當日會有聖誕老人黎同每一台嘅客人影相同greetings!聖誕老人側邊會有另一個着住聖誕服嘅職員幫我地影相!唔知係咪因為聖誕節既關係,人太多而令食物質素下降🤔我係一個好揀食黎人黎,而我老公係好鍾意乜都試既人黎!好可惜佢試到好多野都唔合格..而從佢口中講得出唔合格既,都真係唔需要試了😅1. 泰式鳳爪我個人幾鍾意食,酸酸辣辣咁,最正既係佢起埋骨😍不過佢係辣多過酸,所以我建議平時會食辣既人去試會好啲2. 雞湯雞湯好夠熱,都幾入味,但可惜既係好咸.建議大家食野食到中途先去拎黎飲.(佢另外有忌廉湯係雞湯隔離)3. 冬陰公湯由於我本人唔鍾意飲陰功湯，而老公又好鍾意飲，不過佢最後嘅comment 係話難
今年就試下呢間...
一去到時就已經放好哂帽,頭箍等等既玩意係枱上,每個人都可以拎黎玩同影相,開心一番!
好多唔同種類既野食!有泰式,中式,印度菜,西式,日式,甜品等等....多不勝數!
服務員嘅態度都非常友善,不論收碟速度同斟水次數都相當快同頻密!證明左職員們都係一眼關七,效率高,服務態度好,令客人唔需要叫佢地斟水
另外,係聖誕節當日會有聖誕老人黎同每一台嘅客人影相同greetings!聖誕老人側邊會有另一個着住聖誕服嘅職員幫我地影相!
唔知係咪因為聖誕節既關係,人太多而令食物質素下降🤔我係一個好揀食黎人黎,而我老公係好鍾意乜都試既人黎!好可惜佢試到好多野都唔合格..而從佢口中講得出唔合格既,都真係唔需要試了😅
1. 泰式鳳爪
我個人幾鍾意食,酸酸辣辣咁,最正既係佢起埋骨😍
不過佢係辣多過酸,所以我建議平時會食辣既人去試會好啲
2. 雞湯
雞湯好夠熱,都幾入味,但可惜既係好咸.建議大家食野食到中途先去拎黎飲.
(佢另外有忌廉湯係雞湯隔離)
3. 冬陰公湯
由於我本人唔鍾意飲陰功湯，而老公又好鍾意飲，不過佢最後嘅comment 係話難飲,所以飲左兩啖就掉低左係度唔飲
4. 冷麵+冷烏冬
呢兩樣真係非常唔知點形容...老公同我都食到面容扭曲.都係食左一啖就放低左
5. 海南雞飯
呢個相對之下係唔錯!不過雞肉就少左啲...同埋如果啲飯再熱啲就會更加香😋
6. 即叫即滾粥
由於粥要時間去翻熱，所以可以拎喺枱上面個座號牌仔放低俾翻熱粥位廚師,等佢煲好就可以送到你面前!啲粥夠哂熱!不幸地我地遇到一碗燒焦左既粥😅細佬食左一啖就唔食了..因為實在太燶了..
7. 刺身
老公拎左最穩陣既三文魚同吞拿魚刺身
三文魚唔錯,不過吞拿魚就唔太得,有少少唔新鮮
8.雪糕
雪糕係好食!但佢外面既脆脆就烤過左火,所以我地只係食雪糕.
9. 牛腩忟蘿蔔
白蘿蔔夠林,不過唔夠入味,而牛腩有好大陣酥味...有啲失望
10. 豬耳
本人好鍾意食豬耳,所以覺得超好食!
11. 涼拌雲耳
呢個都唔錯!食完再食😝
12. 泰式炒飯
炒飯唔錯,夠入味!👍🏻
13. 芒果布甸
佢上面有啲好似魚籽咁,但佢係啲爆珠
我以為芒果布甸係最安全,點知...我同個uncle異口同聲咁話「大伏!」
講真,都幾失望...
14. 檸檬撻
以為佢都係安全穩陣,點知....中間既檸檬醬真係難以用筆墨形容既味道...食左一啖就放低左
15. 沙律
可以自己調配喜愛既沙律,佢有幾種cheese可以俾大家揀,另外佢都有已調配好既沙律俾大家夾黎食!我本人鍾意自己調配,好可惜佢地無 blue cheese 俾我揀..
整體黎講服務態度非常好,環境好,但食物真係非常一般
希望佢地會有改善.
张贴