影片
更多
2016-10-18
181 浏览
来到聚一醉与朋友打边炉的一个晚上，虽然没有做到醉的效果，但还是充满喜悦的，能够和很久冇见的朋友一齐烚下烚下，又可以食到美味的火锅配料真系幸福。 想比较提一提嘅系佢嘅炸鱼皮，唔好讲笑，真系我食过最好食嘅炸鱼皮，本身我本人唔系好钟意食炸鱼皮，但试了一旧之后（未烚）真系觉得脆过食薯片，而佢个鱼皮又好似比平时食到的薄身，又完全冇油腻感，好light。佢个响铃系即炸的，当然都系一咬即碎啦！好欣赏聚一醉的诚意，小小的一碟菜式都看到餐厅真心注重食客的感受而唔系只为赚钱就算。最重点我当然要讲一讲我的最爱肥牛，我哋点了手切牛颈脊（细），但面前的份量叫我地十分惊喜，好大碟，真系食牛都可以食到饱，仲觉得好好彩冇叫到大，如果唔系食唔晒就会浪费。睇得出牛肉好新鲜，成碟都冇完全冇血水渗留在碟上面，而且片片都几够厚身，当然块肉的纹理都有相你睇，分布得好细密。食落浓郁的牛肉味充满整个口腔，仲要流出滑溜的牛脂，真系令人讲起都好想再返去食。海鲜方面我哋叫咗脆骨腩，珊瑚蚌，桂花蚌，全部都几新鲜。佢用个墨鱼滑同鲜虾滑构成一个干坤图，别出心裁！上面仲会加上一啲鱼籽，鲜美的之中咬到有少少卜卜脆的鱼籽仔，口感几特别。最后想特别赞扬
来到聚一醉与朋友打边炉的一个晚上，虽然没有做到醉的效果，但还是充满喜悦的，能够和很久冇见的朋友一齐烚下烚下，又可以食到美味的火锅配料真系幸福。
想比较提一提嘅系佢嘅炸鱼皮，唔好讲笑，真系我食过最好食嘅炸鱼皮，本身我本人唔系好钟意食炸鱼皮，但试了一旧之后（未烚）真系觉得脆过食薯片，而佢个鱼皮又好似比平时食到的薄身，又完全冇油腻感，好light。
佢个响铃系即炸的，当然都系一咬即碎啦！好欣赏聚一醉的诚意，小小的一碟菜式都看到餐厅真心注重食客的感受而唔系只为赚钱就算。
最重点我当然要讲一讲我的最爱肥牛，我哋点了手切牛颈脊（细），但面前的份量叫我地十分惊喜，好大碟，真系食牛都可以食到饱，仲觉得好好彩冇叫到大，如果唔系食唔晒就会浪费。睇得出牛肉好新鲜，成碟都冇完全冇血水渗留在碟上面，而且片片都几够厚身，当然块肉的纹理都有相你睇，分布得好细密。食落浓郁的牛肉味充满整个口腔，仲要流出滑溜的牛脂，真系令人讲起都好想再返去食。
海鲜方面我哋叫咗脆骨腩，珊瑚蚌，桂花蚌，全部都几新鲜。佢用个墨鱼滑同鲜虾滑构成一个干坤图，别出心裁！上面仲会加上一啲鱼籽，鲜美的之中咬到有少少卜卜脆的鱼籽仔，口感几特别。
最后想特别赞扬佢个金菇，由于我同身旁的朋友都系好钟意食金菇，我哋叫一碟再一碟。其实一碟金菇的份量已经好得体，而且根部清洁得好干净（又系诚意的表现），见到面前一束束洁白的金菇，令人更加难以抗拒，所以食完又再点。中途一个叔叔同妈妈feel的阿姨，好密集过嚟serve我哋，一冇茶就帮手添，又问我地嘢食好唔好食，又帮我地不停加汤，十分殷勤，希望佢哋生意会越来越好吧，这种温馨的服务唔系度度都有的！
张贴
