聚一醉火鍋小館 (已結業)

秋冬来到了，呢个季节最适合就系打边炉，早几日等朋友放工，之后就黎到红磡既聚一醉火锅小馆食返餐好！！坐低后，职员递上多款酱料比我地～呢度d酱料，我最中意就系香葱、蒜泥、小辣椒等！ 朋友话工作辛苦过后，一定要食返餐好，所以我地都点左唔少野食！ 我地点左个鸳鸯汤底，左边系醉鸡汤底、而右边系蕃茄汤底。碟花雕醉鸡系分开上既，鸡既份量好多，食上口一 d 都唔"鞋"，味道唔错！ 另外我地点左牛颈脊～超推介！！牛肉一 d 都唔肥，肉质鲜嫩，而且牛味十分浓郁，值得一试～ 丸类点左芝心虾丸，咬上口十分弹牙，而且里面既芝士汁好香！ 另外，超中意个响铃！因为其实我本人系好中意脆卜卜既食物，呢个响铃生食又得，渌少少滚水再食都OK =]响铃入面特登放左紫菜，所以同平时食既响铃有分别咖！ 牛柳粒大大粒，不过比较多脂肪，我就麻麻地。 另外，我地亦点左 d 翡翠蚌，超新鲜、爽口，正！ 打边炉当然唔少得食菜啦，呢度既菜都好多款，而且仲好靓好绿～唔似有 d 酒楼成日比d 烂菜 / 洗唔干净既菜，得个hea字！ 特别一提，呢度有竹蔗芧根水，可以清热解毒，食左咁多野，饮返啖竹蔗芧根水，份外觉得清甜、冰凉！