第三站

近嚟好兴呢d楼上cafe，喺闹市中想揾一个宽敞静静地嘅地方同朋友相聚真系唔易，呢d cafe 地方唔会太大, 相对人流都无咁多，通常都唔会限时限刻，之前都去过一d楼上cafe, 感觉唔错，而第三站俾我嘅感觉系好干净宽敞，白色梳化，坐得好舒服! 呢度有多款晚餐，有饭、意粉、通粉，可加$30配埋沙律同甜品，另送$34饮品一杯或加钱配其他特色饮品我哋叫咗两个饭，其中一个餐配沙律甜品，另外叫咗个小食蜜糖鸡翼。首先系黑松露带子鲜菌烩意大利饭，一入口有淡淡嘅黑松露香，但味道唔太浓，烩饭口感唔错，唔会太腍太烂，加埋粒粒小带子，唔错唔错!另一个西班牙烟鸭胸烩饭，有小小嘅辣，食落好香好惹味，鸭胸又好咬口，软硬度适中，值得推荐!呢度d食物份量几足,两个饭比想像中多，小食鸡翼都有六只，食到饱饱! 蜜糖鸡翼炸得几脆，但外层嘅蜜糖又感觉无咁热气，皮脆肉嫩，非常唔错!跟餐甜品我哋叫咗蓝莓芝士蛋糕，面层厚厚嘅蓝莓，蛋糕有香浓芝士味，口感都非常好!餐饮我哋拣咗水蜜桃梳打同金桔柠檬，梳打好香水蜜桃味，但金桔柠檬就非常酸，证明用料十足!