越色牛肉粉餐廳 (已結業)

我同另一个朋友都系十二月之星，两位好有心嘅朋友仔拣咗呢度想同我哋庆祝，又可以聚吓倾吓计仔。餐厅地方颇大，相对顾客并唔多，算几清静，座位亦舒适，职员有礼，服务唔错，食物都好味，价钱公道，开开心心咁倾计食饭，呢度好适合。越色精选拼盘，卖相精致，虾饼，春卷够香口，越色蒸粉卷清清哋唔错。越色酸辣扎肉凤爪，因为我哋两粒星星唔食辣，叫咗咁多款最辣系呢个，不过都几开胃。蒜香炒椰菜仔，几香，菜够嫩。牛肉，鸡肉串烧，普普通通，沙嗲汁几惹味。红咖喱菠萝猪颈肉煲，配4件蒜茸包，我哋另叫一份薄饼点。一啲都唔辣，猪颈肉少而且太淋，味道可以。烧春鸡酿香茅黄饭，职员推介，唔错，饭够香，皮薄无咩脂肪，鸡胸略嫌鞋咗啲。上呢菜有少少笑位，我哋影完相后职员代劳切，切好有朋友问切完㗎喇，原来帮我哋切只系由皮裂开嘅位入多两寸。食埋甜品，开开心心又一晚了。