文華餅店

营业中

休息中

一場嚟到staycation，到咗下午茶時段，順便去餅店買返個佢哋最出名嘅蛋糕同scone返房食。 🍴 Scone ($24) 升級做 Scone Set (+$42) ⭐️⭐️⭐️⭐️ 賣相吸引！每日3點打後先會出爐，想食就要下午茶時段去。個Scone脹卜卜睇落好鬆化，食落有外脆內軟嘅效果，蛋同牛油味都幾重！所謂scone set就係加埋clotted cream同玫瑰士多啤梨醬，值唔值就見仁見智啦！Clotted cream就幾幼滑香口，而果醬就幾重果香，配上scone一齊食都幾夾嘅。 🍴 藍莓芝士餅 ($58) ⭐️⭐️⭐️💫 上層嘅芝士餅幾厚，做得比較硬實，切開唔會散出嚟。甜度適中，加埋啲藍莓食唔會太甜太膩。下層就係朱古力消化餅，濃厚朱古力味，反而比上層仲出息。 .............................. The Mandarin Cake Shop地址📍: 中環干諾道中5號香港文華東方酒店閣樓 總評分: 7/10 .............................. 味道😋: ⭐️⭐️⭐️💫 抵食💰: ⭐️⭐️⭐️💫