西香記 (已結業)

提到陕西菜， 最多人识应该都系肉夹馍同埋 Biang Biang面， 西香记就系主打䧒西菜嘅快餐， 之前去过佢地嘅「本店」觉得几好食，知道上环开左专登过嚟试下。但系店内嘅感觉就真系同西环果间好唔同， 无乜人， 我地去嘅时候亦无乜客 ，坐低都几肚饿， 一于叫个套餐再加 肉夹馍，先讲讲个菜， 酸溜土豆丝，系真系唔好食，系完全一啲薯仔嘅感觉都无，感觉系食紧一堆酸嘅木碎咁，搞唔掂跟住个卤水鸡翼， 系好有便利店嘅风情同味道茄蛋面， 味道上佢个面系完全同个茄蛋分离的，蛋嘅份量亦好少讲完伏， 讲返啲好啲嘅野， Biang Biang 面系唔错，有油香有辣感，无可否认系难夹啲，但系呢款面本身就系咁，唯一系菜嘅份量好多，有想用塞饱人嘅感觉佢嘅肉夹馍，系出色嘅，特别系「千层」果款，食落包皮嘅口感少啲，无咁腬，佢仲有好几款唔同馅料拣，真系想嚟多几次试晒佢呀～