熨烤達人 (已結業)

十月头假期特别多我都唔蚀底咗3日假，最后一日约咗好朋友去食烧肉，大食的我梗系要任食先够爽啦！老婆大人就拣咗呢间好搅嘢熨烤达人。 我哋四条友嚟食除咗可以任食猪腩肉外仲送一个水冷面，个水冷面有条冰条造型几过瘾㖞！食落口感都几烟韧不过味道就唔系好够酸如果唔系应该会仲好食啲。呢度最特别嘅莫过于系呢一个熨斗！初初真系唔知以为用嚟做乜鬼嘢，原来佢爱嚟宅住啲肉令到啲肉可以平均咁贴喺烧烤炉上，又几鬼细心㖞。 跟住落嚟侍应就将一啲蛋浆放喺炉边，原来呢一个炉边蛋都系免费任食仲系无限添加啱晒我老婆大人啦！ 我哋主要嚟食呢只韩国猪腩肉系无限任食90分钟啱晒食肉兽的我吖。 放上烧烤炉近烧熟之后就食得，猪腩肉如果可以再肥美DD应该会更加好味，不过讲紧百零蚊任食呢个质素都可以接受啦。 有烧肉食当然要饮埋烧酒啦呢一只韩国柚子味嘅烧酒都几好饮㗎！ 最后见到可以加68蚊一位就可以任食谷饲牛扒我呢一个食肉兽又点会放过佢呀！ 哗呢一晚真系肉火焚食到我好鬼满足呀！以呢一个价钱咁样任食烧肉法又真系令人几开心㖞！