炑八韓烤 (瓊華中心) (已結業)

生日月去炑八韩烤有著数，晚市最低消费两碟烧烤食品或一个套餐，再加预先一日book位会有个肉肉蛋糕送!!炑八厚切五花腩，非常推荐因为店员会帮忙烧，而且烧得好好!!! 烧完好似食紧乳猪咁。超厚肥瘦又适中，皮脆脆的，店员介绍我地包生菜食可解腻感。韩国酱油虾配紫菜饭，有4只，所以我地每人两只，一只试生食，一只烧黎食。好少可生食，韩国酱油生腌的确鲜味同酱油味十足，亦够弹牙啖啖肉，烧既话就拆壳后再沾返个酱油汁食，两者同样美味。韩式肉肉蛋糕比起甜品既蛋糕更有气氛。用肥牛舖成、再加牛五花、猪颈肉卷成玫瑰花，好有创意，大家都食到好开心。蒜油蜜糖鸡腿肉嫩滑有蒜油蜜糖汁更显香甜。不得不提，店员好主动，会不时帮我地换网，又会帮我地加炉边既泡菜蛋同芝士栗米，小前菜同生菜。韩国薄脆牛角酥，牛角酥变成了扁扁既薄脆，加埋朱古力雪糕好夹好好味，另外配有士多啤梨同蓝莓既小鲜果，非常fresh。皇牌士多啤梨乳酸梳打，有鲜果酸酸甜甜好好饮，菠萝梳打亦有果肉，可以帮助消化，十分爽。