影片
更多
2021-03-26
2875 浏览
肥姑姐饮食推介 - 味苑 - 叉烧肠，虾饺，烧卖1）环境卫生味苑酒楼设上下两层，如果冇订位就会被安排地下用膳，如果一般有订位就会安排在一楼用膳。就如一般港式茶楼嘅格局干净企理，再加上一啲怀旧嘅装饰元素同埋用上大公鸡碗碟，俾人一种番返去60/70年代的老香港感觉。2）食物质数今日肥姑点选了三样点心，分别系虾饺烧卖及叉烧肠粉。先讲下虾饺，呢款虾饺不算皮薄而带虾汁，味道亦偏淡。但胜在胀卜卜超多虾，全无味精，而虾饺皮亦好烟in 。如果100满分，我比80分。再讲下烧卖，呢个烧卖好好食😋，而烧卖正正系肥姑姐最钟意嘅点心，呢个烧卖材料有冬菇虾胶蟹籽肥瘦猪肉，一上枱热辣辣，肥姑姐忍唔住都即时鲸吞左一粒。食完之后仲谂住再买多一笼烧卖比肥老窦叹吓。100分满分，我比100分。最后就系叉烧肠粉（味苑有叉烧，虾及猪肠粉），因为今日已经点了两样虾类点心，所以最后点左叉烧肠，味苑叉烧肠比一般酒楼略贵，因为每碟只有两条肠粉，一般酒楼有三条。但胜在肠粉入边嘅叉烧非常多又好好食，而叉烧不但好淋身而且仲7成瘦3成肥（完全唔系一般酒楼嘅卖剩或者隔夜叉烧）。另外值得一提嘅就系肠粉嘅豉油，唔知点解系有少少蒸鱼豉油嘅味道，虽然
18 浏览
0 赞好
0 留言
烧卖
$37
11 浏览
0 赞好
0 留言
虾饺
$37
11 浏览
0 赞好
0 留言
叉烧肠粉
$37
7 浏览
0 赞好
0 留言
肥姑姐饮食推介 - 味苑 - 叉烧肠，虾饺，烧卖
1）环境卫生
味苑酒楼设上下两层，如果冇订位就会被安排地下用膳，如果一般有订位就会安排在一楼用膳。
就如一般港式茶楼嘅格局干净企理，再加上一啲怀旧嘅装饰元素同埋用上大公鸡碗碟，俾人一种番返去60/70年代的老香港感觉。
2）食物质数
今日肥姑点选了三样点心，分别系虾饺烧卖及叉烧肠粉。
先讲下虾饺，呢款虾饺不算皮薄而带虾汁，味道亦偏淡。但胜在胀卜卜超多虾，全无味精，而虾饺皮亦好烟in 。如果100满分，我比80分。
再讲下烧卖，呢个烧卖好好食😋，而烧卖正正系肥姑姐最钟意嘅点心，呢个烧卖材料有冬菇虾胶蟹籽肥瘦猪肉，一上枱热辣辣，肥姑姐忍唔住都即时鲸吞左一粒。食完之后仲谂住再买多一笼烧卖比肥老窦叹吓。100分满分，我比100分。
最后就系叉烧肠粉（味苑有叉烧，虾及猪肠粉），因为今日已经点了两样虾类点心，所以最后点左叉烧肠，味苑叉烧肠比一般酒楼略贵，因为每碟只有两条肠粉，一般酒楼有三条。但胜在肠粉入边嘅叉烧非常多又好好食，而叉烧不但好淋身而且仲7成瘦3成肥（完全唔系一般酒楼嘅卖剩或者隔夜叉烧）。另外值得一提嘅就系肠粉嘅豉油，唔知点解系有少少蒸鱼豉油嘅味道，虽然最初我觉得有啲怪，但当蒸鱼豉油同叉烧肠粉遇上之后又好似好夹，所以最尾我都食晒成碟。
我下次会再去试一下甜嘅点心，真人实测完再同大家详述。
题外话呢间酒楼嘅茶叶真系几唔错，今次所点嘅香片茶比我预期中好饮， 所以我一口气饮咗好多杯。
以我记忆所及我真系冇乜点去过啲高级酒楼，唯一我去过茶叶比较靓嘅酒楼就系翠亨邨，我记得𠮶度有马骝搣同埋碧螺春饮。
3）价格
烧卖HK$37
虾饺HK$37
叉烧肠粉HK$37
茶钱HK$8
（不设加一服务费，超赞👍）
4）再惠顾指数👉🏻
张贴
