殿 大喜屋

营业中

休息中

之前朋友食过话好食, 比我睇过D相, D海胆手卷, 好肥美, 睇见都流晒口水, 因为好小放题有咁大旧加拿大海胆任食。今日即兴揾个朋友一齐黎食下, 好彩即日book到位, 个场都好大。食物上台快, 无漏单, 服务生收碟也很快!肥美又大条既加拿大海胆手卷, 入口即溶, 好鲜甜, 食多几件都回本。刺身种类繁多, 赤虾大大只, 有头甜虾, 带子大大粒, 三文鱼腩, 北寄贝同样鲜甜爽口。拖罗肉脂比例平均, 滑身嫩口, 好新鲜!长脚蟹有甜味及自然海水咸味, 翡翠螺及冻虾鲜甜爽口!和牛薄烧, 烧至刚熟, 有牛肉味及能保有肉汁。香草羊架, 唔会太多脂肪, 食落羊肉味混合香草味, 配搭一流!海虾大大只, 盐烧加上柠檬汁, 好醒胃, 肉质弹口, 唔干, 好juicy!翠肉瓜烧至略焦, 入口带点牛油香味, 仍能保有瓜的水份。青酒汽水甜品任食任饮。