影片
更多
2009-06-29
52 浏览
小南国一直系我最钟意既餐厅之一。是晚本来谂住去海港城食饭，但系由于太多车了，停车场full到吓死人，所以兜下兜下就黎左呢度。 鸭舌 : 味道一般，胜在好腍，又细细条咁，可以连埋软骨一啖食左佢。 熏鱼 : 仍然系我既至爱 好够味，唔会腥，而且绝大部分都系冇骨，有都系好少好少。有d餐厅既熏鱼真系好得人惊，啖啖骨，大力少少咬都唔敢。 醉鸡 : 鸡质鲜嫩，可惜酒味唔太够，北京楼既比较好。 清炒河虾仁 : 同样系至爱 好爽牙，鲜甜而且唔腥，加埋d醋，好好味。唔好睇佢细细粒咁，河虾仁唔同一般既虾仁，一定要细粒既先至系靓野，所以佢唔系呃人，如果只虾仁大粒到成只海虾咁，咁佢就真系揾笨 扣肉 ? ( sorry 唔记得左叫咩名 ) 唔系外婆红烧肉，系另一种扣肉。屋企人都话好香好好味，但系我觉得冇乜味，可能因为我冇连埋d肥膏一齐食，佢地个个都将成旧肥膏食晒 自小对肥膏冇好感，所以咪搞我。 蒜蓉 '' 现 '' 菜 : 炒得好香，唔同其他酒楼既 '' 现 '' 菜，呢度既好爽，唔会腍谢谢。 椒盐小黄鱼 : 好好食，外面炸到好脆，但系入面既鱼肉仍然好鲜嫩，又唔会腥。 葱油拌面 : 屋企人都话好香葱味
小南国一直系我最钟意既餐厅之一。是晚本来谂住去海港城食饭，但系由于太多车了，停车场full到吓死人，所以兜下兜下就黎左呢度。
鸭舌 : 味道一般，胜在好腍，又细细条咁，可以连埋软骨一啖食左佢。
熏鱼 : 仍然系我既至爱 好够味，唔会腥，而且绝大部分都系冇骨，有都系好少好少。有d餐厅既熏鱼真系好得人惊，啖啖骨，大力少少咬都唔敢。
醉鸡 : 鸡质鲜嫩，可惜酒味唔太够，北京楼既比较好。
清炒河虾仁 : 同样系至爱 好爽牙，鲜甜而且唔腥，加埋d醋，好好味。唔好睇佢细细粒咁，河虾仁唔同一般既虾仁，一定要细粒既先至系靓野，所以佢唔系呃人，如果只虾仁大粒到成只海虾咁，咁佢就真系揾笨
扣肉 ? ( sorry 唔记得左叫咩名 ) 唔系外婆红烧肉，系另一种扣肉。屋企人都话好香好好味，但系我觉得冇乜味，可能因为我冇连埋d肥膏一齐食，佢地个个都将成旧肥膏食晒 自小对肥膏冇好感，所以咪搞我。
蒜蓉 '' 现 '' 菜 : 炒得好香，唔同其他酒楼既 '' 现 '' 菜，呢度既好爽，唔会腍谢谢。
椒盐小黄鱼 : 好好食，外面炸到好脆，但系入面既鱼肉仍然好鲜嫩，又唔会腥。
葱油拌面 : 屋企人都话好香葱味，但系我又食唔系好到。面好弹牙，好好味，可惜佢个名改得好岩，真系成碗面都系油，食多几啖就会有滞既感觉。
担担面 : 全晚最唔得，冇花生酱既香味，亦唔够辣，但又系胜在面好好食。
酒酿丸子 : 又一至爱 好好味，桂花味好香，丸子亦够晒烟 un，可惜唔够酒糟，冇左酒糟独有既酸味。
埋单$950左右，五个人都食到好饱，个人认为抵食+好食过隔离既东来顺，可惜呢度冇我呢个花心怪既另一至爱 ---> 熏蛋，又冇中环分店既陈醋海哲，不过总括黎讲都系抵食！ 好多人都话小南国既野好咸好浓味，但系其实北方人既口味系咁样的，虽然话入乡随俗，做生意要识变通，但系如果佢迎合香港人既口味令菜式清淡d，咁佢就变左系卖 '' 香港菜 ''，而唔系正宗既上海菜了
张贴