叻仔記小食

营业中

休息中

之前有邻居经过呢度话啲串烧好得。去开附近就兜入嚟睇吓，不过我就唔系叫串烧。因为之前邻居share𠮶啲串烧望到个餐牌有泰式烧肉。咁就心思思想过嚟买烧肉返屋企加送。买咗一份，原来系即场烧猪腩肉，半斤嚟讲份量都几足两条厚厚的。见过店员销晒四边，本来块猪皮望落去滑嘟嘟，见佢烧吓烧吓就开始爆皮，不过见到烧焦坑纹，有啲担心。但系后来切之前，店员用把刀刮两刮就刮甩晒啲黑色嘢，但系块皮仲系完整无缺。望落去实在太靓仔，忍唔住食咗嚿先。块皮真系超到脆卜卜个肉唔会咸。跟住返屋企先至试埋佢个辣汁超过瘾。本身店员话俾多一盒㖞，我就冇特别要。不过下次外卖嘅时候如果佢系个胶盒上边可以开个窿就好啲，因为焗住返屋企都怕焗到佢会冧。我就问店员借咗把铰剪剪咗两个窿，返到屋企d烧肉仲系卜卜脆。呢间都值得book埋去encore！