陳記燒臘飯店

营业中

休息中

陈记烧腊饭店系油麻地新开一间街坊烧味店，大除夕有得放早，放工经过见倒啲烧味几正咁，就斩料返屋企加𩠌一家人食餐好啲嘅。烧鹅上庄($110) - 外卖烧味比堂食平少少，其中烧鹅上庄就只有外卖冇堂食的。个人唔系好钟意下庄太肥又冇肉，所以肥瘦适中嘅上庄就啱晒我。鹅肉细嫩，鹅皮下面基本上冇乜肥膏，唔会食到成口油。我要求唔好淋汁，所以拎到反屋企，鹅皮仲带少少脆口，绝对唔比人气烧味店差。蜜汁叉烧($128/斤) - 叉烧我叫左$90，有大半斤都几大盒。叉烧肉质松软富蜜味，只系略嫌切得薄左少少，切返厚少少口感更好。