影片
更多
2023-07-10
8 浏览
🍴鸳鸯烤鱼口味(江团鱼) $368呢度嘅烤鱼口味比较创新特别，仲可以拣鸳鸯口味，平时都系食开香辣烤鱼，今次就拣咗「金波罗酸辣味」同「红火蕃茄味」。「金波罗酸辣味」汤底系用咗新鲜菠萝金汤再加上辣椒，味道酸酸甜甜带少少辣，非常开胃。「红火蕃茄味」除咗用蕃茄，仲加埋剁椒同甜红椒，而且呢度嘅汤底可以拣酸度同辣度，唔食得辣嘅朋友都可以食到。烤鱼鱼种我哋拣咗江团鱼，非常鲜味而且好易起骨，加埋餐厅半煎炸条鱼先放入炉，会更加香口😋🍴墨鱼三色滑 $58 & 雪花肥牛卷 $88呢度嘅墨鱼滑同样好特别，餐厅整成三个唔同嘅味道(南瓜味、原味同菠菜味)，其中菠菜味会比较突出，同埋鱼滑都好弹牙。另外叫咗份雪花肥牛卷，索晒啲汤食劲正！🍴咕噜咕噜元气九宫格 $188叫咗个九宫格小食拼盘，一嚟店员会放上干冰飘晒烟咁，好啱打卡✨入边会有川辣猪耳仔、手撕鸡、鸡肾、云耳同手拍青瓜等，几款小食都唔会好辣。🍴劲量1.3公升解辣特饮 $48呢度嘅特饮玩名得嚟又超大杯，但系价钱同出边餐厅差唔多！我哋分别叫咗「自柑堕乐」(金橘、柠檬、菠萝沟可乐）同「菠萝Me」(蜜瓜、菠萝沟雪碧)。用嚟送浓味嘅嘢食一流，我哋都钟意饮「菠萝Me」多啲，因
🍴鸳鸯烤鱼口味(江团鱼) $368呢度嘅烤鱼口味比较创新特别，仲可以拣鸳鸯口味，平时都系食开香辣烤鱼，今次就拣咗「金波罗酸辣味」同「红火蕃茄味」。
「金波罗酸辣味」汤底系用咗新鲜菠萝金汤再加上辣椒，味道酸酸甜甜带少少辣，非常开胃。「红火蕃茄味」除咗用蕃茄，仲加埋剁椒同甜红椒，而且呢度嘅汤底可以拣酸度同辣度，唔食得辣嘅朋友都可以食到。
烤鱼鱼种我哋拣咗江团鱼，非常鲜味而且好易起骨，加埋餐厅半煎炸条鱼先放入炉，会更加香口😋
🍴墨鱼三色滑 $58 & 雪花肥牛卷 $88
呢度嘅墨鱼滑同样好特别，餐厅整成三个唔同嘅味道(南瓜味、原味同菠菜味)，其中菠菜味会比较突出，同埋鱼滑都好弹牙。另外叫咗份雪花肥牛卷，索晒啲汤食劲正！
🍴咕噜咕噜元气九宫格 $188
叫咗个九宫格小食拼盘，一嚟店员会放上干冰飘晒烟咁，好啱打卡✨入边会有川辣猪耳仔、手撕鸡、鸡肾、云耳同手拍青瓜等，几款小食都唔会好辣。
🍴劲量1.3公升解辣特饮 $48
呢度嘅特饮玩名得嚟又超大杯，但系价钱同出边餐厅差唔多！我哋分别叫咗「自柑堕乐」(金橘、柠檬、菠萝沟可乐）同「菠萝Me」(蜜瓜、菠萝沟雪碧)。用嚟送浓味嘅嘢食一流，我哋都钟意饮「菠萝Me」多啲，因为真系好香蜜瓜汽水味，仲会有啲菠萝粒可以食到。
🍴咕噜咕噜围炉肆甜 $168
最后嘅甜品都会用干冰飘烟送嚟，成餐饭都好打卡able🤣除左有爆珠冰粉，仲有红糖糍粑同埋龙须糖，可以食到唔同川菜甜品好正！
张贴
