滾爺火鍋 (金巴利道)

营业中

休息中

尖沙咀韩国街除咗有好多韩国餐厅之外，居然俾我发现咗一间好味嘅打边炉！虽然个椰子鸡煲劲香，但我最近迷上沙嗲汤底，所以最终叫咗个鸳鸯锅，有麻辣同埋沙嗲两款汤底。呢度既食材非常新鲜，我嗌咗手工韭菜饺，鲜虾滑，嫩鸭血，仲有打边炉必食嘅肥牛！样样都好新鲜，真材实料！麻辣汤底非常香，因为我唔系好食得辣，所以嗌咗微辣，食落麻辣鲜香够晒味，唔洗点酱都OK。而沙嗲汤底虽然未及九龙城名店咁浓。但都拍得住七八成ga! 入面有唔少豆卜，吸晒汤汁既精华，我仲特登再叫埋生根同响铃，超级正！当个汤滚到干少少，开始变浓郁嘅时候，再加个出前一丁落去，配埋几片肥牛，一碗超浓郁劲好味嘅沙嗲牛面就诞生咗啦！配埋啤酒呢餐真系大满足呀！呢度最正系每台隔离都有部大电视，你可以一路睇电视一路打边炉，听讲仲有波睇，不过我𠮶晚就剩系得东张西望，有「新何太」睇🤭。同埋纸巾系用Tempo！呢度啲职员都非常好礼貌，我唔知其他人点睇，但对我嚟讲，好嘅服务态度系会令成餐饭都加分👍🏻。