WM咖啡廳

环境优雅，枱与枱之间都保持少少距离。由于有室外坐位，方便携犬客人，我哋又被安排坐近个出入位，每次有室外客进出，都吹来一阵大风，最初未有室外客就唔觉，之后陆续有室外客，每次佢哋进出都冻一冻。食物方面，龙虾都refill得快，有长蟹脚同面包蟹。刺身选择少，只有三文鱼加两款。有生蚝，味道普通，每次攞两只，第二次攞，其中一只坏了。有烧牛肉，但只得烧汁，同埋个汁冇咩味，令件烧牛肉有点失色。有天妇罗，虾天妇罗ok, 但蟹棒天妇罗实在太大太长，起码1吋阔6吋长，同埋有点硬，吃了一半要放弃。有虾饺烧卖，虾饺正常，但烧卖就每粒都散开晒，皮肉分离，夹唔到，夹到都系散晒。有烧味，但义烧又干又硬，好难咬。经过沙律吧都有阵阵嗅味，我估可能系芝士作怪。饮品只得咖啡机同茶包，咖啡机比较细，好快冇晒要等职员refill, 但冲完嘅咖啡只是微暖，唔多好饮。甜品款色不多，唔知果样系朱古力蛋糕定系brownie, 溶嘅，黏埋晒，夹唔到，我见其他客都系夹唔到而放弃。雪糕系Haggan Daz细杯装, 有三款，Oreo、朱古力同芒果，冇士多啤梨同云呢拿。整体而言，环境佳，职员有礼，晚餐有3小时免费泊车，自助晚餐只需$588，经