Flat Mountain Cafe

营业中

休息中

之前食过隔离间一糖，都觉得佢有心机又好食，今次佢系隔离开埋cafe，就真系要嚟食一食，我地见到盖饭有得转成沙律菜底，就急不及待叫左个烟三文鱼配沙律菜底既盖"饭"加上日本本菇、牛油果同车厘茄，清清地咁几好🤤我地仲叫左个牛油果大啡菇既Allday同埋安格斯芝士汉堡配番薯条 本身以为大啡菇面头得芝士，点知入面有洋葱碎，有口感又稀释左芝士嘅油腻，不过可能我哋摆得太耐先食菇菇冻咗少少，如果大家叫的话建议尽快食用。只至于burger就真系太大个，我地2个人share 咗半个咋，觉得自己好浪费咁🥲不过就算burger 冻咗，个汉堡既肉汁都仲系到，但就觉得个size可以细返少少咁🤫如果唔系都唔知佢地赚咩，就算杯Mocha同cappuccino 都好大杯🤏🏻 到最后有个甜品盛盒，原来餐厅既甜品主打生酮制作，无落到面粉剩系用杏仁粉去整，特别健康！分别系柠檬芝士伯爵茶，士多啤梨芝士蛋糕同朱古力慕丝，连我唔食士多啤梨既人，都觉得佢个士多啤梨好真🥺唔系落左精油，假士多啤梨个啲味！完全食得出系自家制作❤️