貴緣小鍋米線 (和富)

营业中

休息中

云南米线舖应该是大部分香港人的平民饭堂，不过实力有高有低，间唔中都会食到啲㐲嘢。不过今次返工经过间米线舖话自己嘅汤底系自家制猪骨汤，唔用浓缩汤精，咁就一于试吓佢实力！今次平民推介嘅系@贵缘小锅米线位于北角和富荟商场B楼B15-16号舖，舖头座位阔落舒适，同埋空气流通冷气又够凉，天气咁热食嘢要拣个够冷气嘅地方都系必须嘅。total有五种唔同嘅汤底选择，仲有七种唔同嘅辣比食客挑战。钟意挑战食辣嘅，你要试吓佢个特特辣，仲要加钱添🤣👍🏻⭐️青花椒麻辣汤（配菜自行配搭）喺其他地方唔系好常见，我都真心推荐大家试吓， 平时食麻辣食到所有嘢都系一样嘅味道， 但系青花椒比普通麻辣多了一份香味，配搭埋猪骨汤真系好开胃。佢地嘅鱼腐大粒，墨鱼丸都几弹牙而且冇梳打粉味， 腩肉爽口唔会得个肥字。⭐️ 鲜猪骨浓汤（配菜自行配搭）怕食辣嘅朋友可以试吓猪骨汤，汤底鲜甜少油，猪骨味浓郁。卤水猪肚爽口、鱼蛋弹牙、薯粉煮得又够透。⭐️ 蒜香酱油鸡翼蒜头酱油味香浓的冷盘，就好似蒜泥白肉咁样不过变咗做鸡翼， 但系冇咁油腻。⭐️ 榨菜猪肚丝醒脑开胃的小食，猪肚爽口唔会韧，榨菜唔会太咸。总结：非常之欣赏佢哋嘅汤底鲜甜又少油，食得出真材实料。