貴緣小鍋米線 (和富)

营业中

休息中

最近試咗北角一間米線小店，今次試咗兩款招牌米線，整體有驚喜，同大家分享下～🍴 特濃新鮮蕃茄湯米線（雞肉絲+生菜+蘿蔔）$65 ⭐️⭐️⭐️⭐️湯底真係夠濃郁，飲得出用新鮮蕃茄熬製，酸甜自然，帶微微辣勁，好開胃！雞肉絲撕得夠幼，吸晒湯汁好入味；蘿蔔煮到軟淋，清甜無渣；生菜爽脆，加埋一齊食口感豐富。$65 呢個價錢算合理，蕃茄控可以一試！🍴 元祖金酸魚片濃湯米線（炸魚皮）$82 ⭐️⭐️⭐️⭐️金酸湯同一般酸菜魚湯唔同，酸得嚟溫和，帶少少香料香，唔會太刺激。魚片份量足，嫩滑無骨，追加嘅炸魚皮浸湯後半脆半軟，吸盡湯汁好過癮！如果鍾意酸辣口味，呢款值得一試～🍴 巴蜀狂惹雞翼 $29 ⭐️⭐️⭐️雞翼即炸上枱，外皮幾脆，蜜糖同黑椒嘅配搭算惹味，不過肉質未算好Juicy，可以再改善。如果鍾意香口小食，都可以試下，但未算必點。📝 總結* 蕃茄湯米線係必試之選，湯底真材實料；* 金酸魚片湯適合鍾意酸辣但唔想太重口味嘅人；* 雞翼中規中矩，可以一試但未算驚艷。
整體嚟講，小店湯底用心，米線質素唔錯！.............................. 貴緣小鍋米線 (和富) 地址📍: 北角和富道21-53號和富B樓B

今次想介紹這間位於北角的米線小店，這是一間近來我的米線的新寵，店舖的賣點是湯底無味精，啱晒我這個喜歡食米線又喜歡飲湯底的米線控。🍲🤩👏🏼這店同樣也是先選湯底，再追加配料，滿足個人口味偏好。😋🍜特濃新鮮番茄湯米線（$68），湯底以鮮番茄熬製，加入少許辣度，酸甜中帶微微辛辣，味道超夾。在配料方面，揀了魚肉春卷、雞肉絲和白蘿蔔三款配料。一絲絲的雞肉絲撕得很幼細，浸在番茄湯底很開胃美味。白蘿蔔煮得軟腍入味，平衡了整體口感。 🍅🍜豬骨鮮濃湯米線（$61），豬骨湯是用上新鮮的豬骨熬製，其湯底仲可以選擇濃度，店員推薦「5分濃」最適合一口飲晒碗底。這款米線配料選了肥牛、炸響鈴和貢丸。幾值得推介就是炸響鈴，吸滿湯汁後變得超級入味。🐖🦴🥓烤豬仔骨（+$38），這是今期期間限定的新產品，豬仔骨的肉質較為實淨，整個表面調滿了孜然和麻辣粉，充滿了川式風味。咬開時微麻微辣，味蕾也有相當過癮的衝擊。🍗🐷貴緣雞絲火山（$29），雞絲的份量也很多，加入了辣粉，放在雞絲底下就是酸蘿蔔，清爽又開胃。🌶️🐥

呢間小鍋米線喺土瓜灣好出名趁住放假 去北角區探朋友先發現和富開咗新店 而且坐得仲舒服舖位喺商場裏面 keep住都滿座餐牌跟以前食開差不多最吸引就係酸辣湯底和金酸湯底食材選擇多 價錢合理用QR code單 好快就上菜//招牌酸辣湯米線配秘製腩肉(微辣),滷水大腸,豬紅 $65//一定要叫酸辣湯底 真係keep到水準酸感較強 又唔會好鹹 腩肉切得較碎 但煮得好入味微辣腩肉跟湯底好夾 而大腸和豬紅的份量也多//青花椒麻濃湯米線配魚肉春卷,肥牛 $58//另一款比較推介係青花椒麻濃湯無論川式台式都好多青花椒味唔會好實辣 但惹味而後勁較強魚肉春卷較淋身 肥牛也多//巴蜀狂惹雞翼黑椒味 $29//小食的價位好抵 平均30蚊入都有我地叫左巴蜀黑椒雞翼 共5隻煮得入味 又唔會太乾或太淋身雞翼也大隻 值得一試//蒜泥白肉肉 $28//蒜泥白肉同樣份量都多調味唔會過辣或過鹹蒜味好香 肉質肥瘦均勻//可樂 $8//另外加左汽水 食得開心既一

貴緣小鍋米線 北角和富道21-53號和富B樓B15-16號舖味道評分:☄️(必食之選)>☀️>🌤>⛅️>💨☄️招牌酸辣湯 $33紅薯粉| 湯底7分濃（加濃半級）+$1 |中小辣|滷水雞翼 +$11，滷水大腸 +$11，炸響鈴 +$10呢個湯底絕對有驚艷到我，又濃又香，佢地招牌酸菜擔當左個重要角色，出眾而且唔會over左😭第一次見可以加濃湯底，重口味的我加左半級覺得perfect! 感覺配米線都會好夾~btw，響鈴吸咗啲湯汁之後都變到好好食滷水雞翼係很甜口，第一次食依隻味非常獨特，必試！滷水大腸份量都幾多，而且幾大嚿，正常好食~☄️【加購小食】大漠烤豬仔髀（2隻）$38有好多調味粉佈滿豬仔髀嘅表面，超級惹味！豬仔髀嘅口感屬於外皮硬但中間肉質滑嫩，多層口感，要食！☀️青花椒麻濃湯 $35米線|中小辣|魚肉春卷+$12，螺旋藻+$10酸辣麻辣湯底平時就食得多，青花椒湯底就比較少有餐廳做，一定要試試佢！湯底感覺比起酸辣湯底冇咁刺激，青花椒螺旋藻處理適宜，唔會有好乾好硬嘅情況，而且味道突出，連埋微辣湯汁一齊食更有新風味！☄️小食甜酸齋 $26酸酸甜甜，開胃之如又剛好可以解辣~檸

八點幾去食米線，叫咗螺旋藻同埋豬紅。湯底唔錯，米線唔會太淋，份量都好多。螺旋藻份量都多味道都不錯，但係餐牌上有👍🏻嘅豬紅，咬左一半發現好紅有血水，店員話一定係熟嘅，因為佢哋由晏晝煮到夜晚。雖然佢咁講，但係我都夾走晒冇食到。

因為唔食得辣，所以我叫咗個酸辣湯走辣，雖然湯底望落去好似好齋，但其實都有味，只係我覺得可以再酸啲會更開胃。至於佢嘅招牌腩肉，我本身以為係五花腩嗰種，點知嚟到係另一種做法，食落冇乜油香，味道都算普通，冇乜特別。朋友就叫咗正常版嘅酸辣湯底，佢話啲辣係後勁型，麻麻哋喺喉嚨位，前面飲落又唔覺得辣，幾有層次。佢哋嘅麵熟度都處理得好，唔會太腍亦都唔會生，口感啱啱好。價錢方面合理，唔貴，整體感覺唔錯，下次會再嚟試其他米線

貴緣小鍋米線香港米線舖好多，但係朋友最鍾意呢間米線舖，因為佢哋嘅甜酸齋令佢念念不忘，今次有時間又走去食啦特濃新鮮蕃茄湯米線 $80 叫咗一碗特濃新鮮蕃茄湯米線 ，揀選米線底，辣度叫咗小辣，配料叫咗魚肉春卷、炸醬、手打魚腐、甜酸齋。 蕃茄湯底味道濃稠， 湯底有蕃茄好鮮甜，魚肉春卷切半，有三舊魚腐， 炸醬同埋甜酸齋就另上。 炸醬食到係用豆瓣醬整成，略帶微辣，但本身蕃茄湯底都叫咗小辣，所以炸醬辣度唔明顯。 甜酸齋都係餐廳推介嘅配料， 味道酸酸甜甜又好入味，加埋米線食真係好滋味元祖金酸魚片雞絲濃湯底 $92另一碗米線叫咗新款金酸魚片雞絲濃湯，同橏叫咗米線， 本身自帶魚片、雞絲，加錢叫甜酸齋。 同小辣嘅蕃茄湯底相比，呢款嘅金酸湯底，就相對清易入口啲， 本身有嘅雞絲同埋魚片都畀得好足，食極都未完， 個人覺得魚片份量唔少，口感幾滑，又幾配合呢個湯底。油菜 $14叫咗一碟油菜，油菜有幾款菜可以揀，揀咗娃娃菜加蠔油， 娃娃菜清甜爽口黑芝麻豆漿 $20@2黑芝麻豆漿冰涼，配熱騰騰米線正好

《特色米線手工糕點🍀》———————————————-#貴緣小鍋米線🍜-之前行北角和富，經過呢間小店，人氣十足，主打米線，地方寬敞光猛～-🍜 大癲米線山有選擇困難症嘅人一定要揀呢款，配料豐富，真心成座山咁樣，包咗冬菇皇、響鈴、紫菜、蘿蔔、魚肉春卷、豬紅、秘製腩肉、雞絲、螺旋藻同滷水雞翼🔥 湯底就揀咗秘製麻辣再加濃，尤其香濃😘-⭐️ 元祖金酸魚片濃湯底米線米線結合咗鮮美嘅魚片同濃郁嘅湯底，魚片鮮嫩，口感滑順，味道層次分明🌊 湯底的酸味恰到好處，既提鮮又唔會好搶戲，十分開胃🤤-🤍 養生低糖手工糕點期間限定嘅甜品好抵食，食完米線之後嘅大滿足😌我哋嗌咗椰汁斑斕千層糕同清香椰汁紫米糕，零負擔，又唔會好甜，口感煙韌彈牙～-⭐️價錢參考：大癲米線山：$100元祖金酸魚片濃湯底米線：$84椰汁斑斕千層糕：$8清香椰汁紫米糕：$8支裝豆漿：$10🍌抵deal 指數：7/10

好耐冇食貴緣了！自從發現北角開左新店唔洗過海，耐唔耐都要去止下口癮 。有時一間麵店既湯底或辣醬真係會令人好掛住我就永遠獨沽一味秘製麻辣湯，呢度連湯底都可以自己揀濃度更加唔好講辣度麻度，冬菇皇必叫索哂啲麻辣汁又勁大件厚肉！雞翼同金菇都係例牌會叫另一半今次叫左新野（好似係？）酒煮醉香鮮雞湯，雞份量比想像中多，帶酒香。再加埋豬軟骨肉先得人驚，勁大舊又入味又淋😶‍🌫️可惜我最愛既惹味雞翼賣哂！！！ #貴緣小鍋米線 #米線 #米線關注組

貴緣小鍋米線🍜元祖金酸魚片濃湯底 ($83)秘製豚肉招牌酸辣湯 ($53)雞肉絲蘿蔔皮蛋豆腐 ($26)酒香醉雞翼 ($39)椰汁斑斕千層糕 ($8)餐廳出名性價比好高，價錢上絕對唔貴，而食物質素亦都係好好👍🏻第一樣就想講下金酸魚片濃湯底🍲成個湯嘅酸味好夠，而魚片嘅份量真係非常之多🤫差啲都食唔哂🤣🤣魚片食落爽口鮮甜非常好👍🏻而秘製豚肉亦都係推介之選，有少少辣味，肥肉唔算好多而且都煮得好入味，真係超正😍特別想講下椰汁斑斕千層糕，見到餐廳有寫住新出低糖手工糕點就一於試下啦☺️食落又覺得甜度適中，幾啱Hker食👍🏻食多兩舊都唔會太膩，而且價錢真係好平呀， 嚟到食嘢都記住要試吓😆😆評分：9/10

監管下啲食物品質先啦唔該 呢個價錢大把好食過佢嘅選擇 呢碗野勁大陣油膱味…係個豬軟骨出事 我見佢呢個餸有個good係menu到 又幾多人食諗住實冇死 點知第一樣佢係臭油膱味搞到成碗湯都係 我咬咗一啖啲肉係柴嘅 我同個waiter講完佢夾走咗一舊肉俾廚房試 最後我要求佢整過一碗 因為本身個碗成個湯都出哂事😓😓😓 俾過新一碗就係得娃娃菜一個餸 佢冇換過成碗 淨係倒走咗啲肉 所以都仲係有少少味 不過肯倒哂佢算係咁 然後個娃娃菜一啲都唔腍完全唔入味 菜都勁失望 湯底又唔係出色 0/10嘅一餐😂

這家米線真的很好吃，經常來反而未寫過食評🤣我最喜歡它的金湯，我不吃辣所以選走辣，但本身湯底是有少許辣的，還是在可接受的程度。招牌豬軟骨是必吃推介，炆得夠腍和入味；蘿蔔夠清甜但是這天吃的時候可能太早？蘿蔔未夠腍，扣少少分🤣它的酸齋是另外用小碗裝上，很方便和人share。這次看到出了期間限定的糕點，居然有我喜歡的椰汁斑斕千層糕，所以叫了一客試試，好處是甜度低，感覺椰子味比斑斕味突出，味道算不錯，可以一試。

小編在米線關注組，久不久會看到人推薦這家店，它本來在土瓜灣大有名氣，現在更在和富開了分店。當日比晚餐時間早了一點到達，食客人數不太多，不用等位☺️招牌酸辣湯（$34）+ 魚肉春卷（$12）+蘿蔔（$9） Total: $55湯底惹味，酸度稍為重了一點，辣味選了中小辣，挻辣的，兩者配合算是不錯，會令人一口接一口地吃👍🏽至於配料，魚肉春卷剪開兩半，味道不過不失，但有點淋；蘿蔔煮得不夠淋，感覺是浸了糖水。秘製麻辣湯（$34）+腩肉（$11）+豬紅（$9）Total: $54湯底挺正宗的，有雲南的麻辣風味，喜歡此味道的人會喜歡，但小編還好，不太吃得慣那種油味重的辣椒味。至於配料，腩肉切得有點碎和小塊，但蠻入味的，不錯吃👍🏽而豬紅有驚喜，質地有咬口，味道新鮮✨Ps. 飲品都是支/罐裝的，沒有水吧。——味道：👍🏽👍🏽👍🏽.5環境：👍🏽👍🏽 👍🏽 👍🏽價錢：💡 💡 💡 💡服務：⭐️ ⭐️ ⭐️

幾年前喺土瓜灣食過呢間米線已經好深刻，近排天氣熱咗冇乜胃口，想食番碗米線，發現佢哋搬咗去北角，環境新淨咗好多，而且有得揀無味精版本，成個感覺upgrade哂，價錢反而冇乜改變，良心小店啊！第一碗🍲揀咗招牌酸辣湯，酸辣湯嘅湯底濃郁，揀咗紅薯粉，口感滑順。呢度嘅湯底好特別，有得揀濃度，可以淡啲可以濃啲，我就揀咗7分濃，適合鍾意濃郁風味嘅人，辣度適中，酸味十足，配上大量蔥花，讓整道湯嘅香氣更加突出。特別推薦嘅仲有秘製腩肉同手打魚腐，成碗米線嘅口感層次更加豐富！第二碗🍲基本上同頭先嗰碗差唔多，不過有啲餸就唔同🤤🤤呢一個特別叫咗豬軟骨同螺旋藻，螺旋藻非常吸湯吸收晒湯底嘅精華，豬軟骨亦都肥瘦均秤，炆得非常入味🔥🔥貴緣雞絲火山可以話呢度嘅招牌小食，雞絲火山嘅雞絲一絲絲，有一種手工嘅感覺，搭配特製嘅炸菜味道食更香濃。而且有少少辣粉，所以食嘅時候味道會咁豐富，微辣而脆口。另外都有一個係蒜蓉味嘅雞絲，唔食辣嘅朋友可以揀呢個🧄菜心油菜🥬菜心新鮮，保持了菜的原汁原味。簡單卻健康，有適量嘅蠔油唔會太鹹。

這家米線專門店走到門口已經聞到濃濃的香料味，是我喜歡的味道。QR Code點餐，可以自選辣度，米線軟硬度，湯底濃度，走蔥走韮……等等，好人性化。上桌後發現都好大碗。✴️特濃新鮮蕃茄湯米線 $71（連配料）(散叫：魚肉春卷／豬軟骨／爽口魚片頭)朋友點的，濃濃的蕃茄濃湯，吃得到大大塊蕃茄肉，微酸的湯底，好清新開胃。春卷爽口，豬軟骨好大件，𠯿足兩大件，好腍好入味，魚片頭口感就還好，米線自選比較爽口的。✴️秘制麻辣湯米線 $66（連配料）(散叫：滷水雞中翼／滷水大腸／手打魚腐)我點的小辣，挺辣的對我來說😂，下次要點小小辣，麻辣湯底點的是可以喝的濃度，我覺得味道挺正宗的，滷水好吃，手打魚腐綿滑吸味。✴️油菜：娃娃菜 $14挺大一棵，1開4，好嫩好甜。✴️巴屬狂惹雞翼（原味）$29有辣的，不過我朋友吃不了辣，原味也可以，一點點孜然味，加上芝麻蠻，挺香的，好入味。✴️甜酸齋 $26正常的好吃。飲品：✴️雀巢檸檬茶 $8✴️玉泉西柚 $8總結，進店前的香料味，已經令我好期待，每碗米線都可以自選，吃辣不吃辣，喝湯不喝湯都可以選擇，我覺得很好，味道我真的好鍾意，我一定會再來，下次要選少少辣了🤪。