野郎Stone Ya Rou Stone

营业中

休息中

转咗喺北角返工都有一段时间，今日有同事讲起先知原来公司附近有一田百货，咁啱佢今晚嚟北角汇买嘢顺便带我熟悉附近嘅环境！落到嚟一田发觉有好多间餐厅，远处已经闻到野郎蒸发出嘅香气，而且餐厅人头涌涌令我哋相信食物应该唔错😋因为餐厅嘅吧枱已经满座，我哋唯有坐喺附近嘅自助位置度食😂翼板系平时喺外面比较罕见嘅部位，身为牛魔王嘅我决定试一试！翼板属牛肩胛位，油脂均匀肉质软嫩，因为熟度系由自己控制嘅，我试咗唔同嘅熟度，觉得大概五分熟系最好食嘅，食落牛味重又有丰富肉汁❤️同事本身唔食牛肉所以拣咗西班牙产黑豚肉，佢分咗少少俾我试！因为系猪肉所以就会烧到全熟感觉上比较安全，食落无猪臊味之余口感爽弹有嚼劲，肉质鲜甜边位烧到好焦香👍🏻因为黑豚肉油份高，所以要小心唔好俾喺石板上嘅油弹亲！除咗肉好食，呢度嘅白饭同薯蓉都好食，白饭粒粒分明有米香好食到我成碗食晒🤭🤭