Steak Bar (已結業)

平日嘅下午，唔使排队就可以食到。试吓佢最出名嘅吉列牛扒，前菜有沙律同埋豆腐一小块，吉列牛扒非常大块，切到大约12条，附有一旧牛油起镬，非常香，自己煎嘅好处就系可以控制生熟程度。连个饭都好香，上面洒满咗饭素，有芝麻紫菜等等。碗饭唔算好大碗，就算女仔都轻易食得晒。个餐仲有几块蒜片，食落更加惹味。牛舌都做得非常出色，煎香之后好淋身。牛舌好快就熟，轻轻煎几秒就OK。餐厅做紧优惠，正价食一个午市套餐，指定六款第二客有半价。