影片
更多
2017-02-15
3098 浏览
俗语话：人不可以貌相，海水不可以斗量。你睇吓碟𩠌，简单纯朴，颜色分明，气质优雅， 你又点会估到：系臭㗎，仲系好臭！！我谂起电影《国产凌凌漆》里面，周星驰与餐厅伙计对答的一幕：凌凌漆：伙计伙计：系凌凌漆：你哋呢度啲豆腐又话最出名嘅？伙计：系啊凌凌漆：臭架㖞伙计：出名臭吖嘛！凌凌漆：可唔可以攞啲出名好食嘅过我呢？伙计：都系豆腐啰凌凌漆：唔系啩？伙计：系呀，你当佢臭豆腐咁食，观感就会fit哂。凌凌漆：咁畀多个炸嘅我吖 (大家对笑)…… 阿琴，香港嘅商场真系包罗万有啊可？Cut ! 唔该讲返碟𩠌。OK, 喺我面前呢碟叫「绍兴蒸双臭」，属浙江绍兴名菜。何谓双臭？即臭豆腐同臭苋菜梗(stem)。真系臭到发癫，比炸臭豆腐更臭，臭到呕，臭到冤崩烂臭，哈哈！点解咁臭？豆腐同苋菜梗首先经臭卤水发酵，吸收唒臭卤水后，再把臭苋菜放喺臭豆腐上面一齐蒸，那种酸缩，发霉，恶臭气味透过蒸气散发出来，问你点顶。加上臭苋菜和臭豆腐两者在蒸嘅过程中产生化学作用，臭上加臭。虽然系臭，但系食得好开心，好好玩。每个人嘅反应都唔同，有啲摇唒头，有啲用纸巾全程掩住个鼻，有啲笑到黐哂线，有啲讲哂粗口，有啲搬碟𩠌去第二边，有啲话冇问题不
我谂起电影《国产凌凌漆》里面，周星驰与餐厅伙计对答的一幕：
凌凌漆：伙计
伙计：系
凌凌漆：你哋呢度啲豆腐又话最出名嘅？
伙计：系啊
凌凌漆：臭架㖞
伙计：出名臭吖嘛！
凌凌漆：可唔可以攞啲出名好食嘅过我呢？
伙计：都系豆腐啰
凌凌漆：唔系啩？
伙计：系呀，你当佢臭豆腐咁食，观感就会fit哂。
凌凌漆：咁畀多个炸嘅我吖 (大家对笑)…… 阿琴，香港嘅商场真系包罗万有啊可？
Cut ! 唔该讲返碟𩠌。
OK, 喺我面前呢碟叫「绍兴蒸双臭」，属浙江绍兴名菜。何谓双臭？即臭豆腐同臭苋菜梗(stem)。真系臭到发癫，比炸臭豆腐更臭，臭到呕，臭到冤崩烂臭，哈哈！
点解咁臭？豆腐同苋菜梗首先经臭卤水发酵，吸收唒臭卤水后，再把臭苋菜放喺臭豆腐上面一齐蒸，那种酸缩，发霉，恶臭气味透过蒸气散发出来，问你点顶。加上臭苋菜和臭豆腐两者在蒸嘅过程中产生化学作用，臭上加臭。
虽然系臭，但系食得好开心，好好玩。每个人嘅反应都唔同，有啲摇唒头，有啲用纸巾全程掩住个鼻，有啲笑到黐哂线，有啲讲哂粗口，有啲搬碟𩠌去第二边，有啲话冇问题不停食，现场的互动令到成餐饭都开心哂。
不过，真系好臭，食到尾都仲感受到𠮶阵臭味。我问坐我隔嚟嘅肥仔William感觉如何，佢带著坚定嘅眼神咁样答我:
「臭 N.G.H. 吖！！」🙊🙊😲😲
106 浏览
0 赞好
0 留言
张贴
