影片
更多
2024-07-29
154 浏览
今晚走咗嚟天后「头啖汤」食鸡煲打边炉，舖头店面虽然唔大，但座位坐得几阔落几舒服，装修布置好有特色好多打卡位👍🏻重庆麻辣鸡煲 ⭐️⭐️⭐️⭐️⭐️我哋2个人撑枱脚，叫半只鸡已经够晒食！钟意食麻辣鸡煲嘅我，好著重个鸡煲够唔够麻香味，味道够唔够浓郁🤔 呢度嘅麻辣鸡煲水准好高，麻香味重，但系唔会太辣食到流晒汗𠮶只，鸡肉保持嫩滑但系好入味😋 如果钟意食芫荽仲可以额外加，简直系荽友福音！手切牛肩胛 ⭐️⭐️⭐️⭐️⭐️打边炉又点可以唔食牛呢？见到呢度有手切牛肩胛平时好似少见啲，一于试吓！手切牛厚度刚刚好，我哋唔钟意食太熟，所以放落汤渌一阵就食得！牛肩胛肉味浓郁，脂肪分布适中，厚实得嚟又有种软嫩感，食落口唔会觉得难咬，值得一试🐂台湾脆白鳝片 ⭐️⭐️⭐️⭐️⭐️钟意食鳝片嘅就唔好错过！提提你如果谂住食海鲜嘅可以一早预订，餐厅会send定whatsapp问你，当中就包括呢款台湾脆白鳝片！白鳝片渌一阵就食得，口感果然系比较爽脆，点少少豉油更加带起到鲜味👍🏻安格斯牛丸 ⭐️⭐️⭐️⭐️⭐️估唔到呢度嘅牛丸咁好食，表面平平无奇，但系原来渌熟咗之后，放入口咬开系劲多汁，而且牛肉味好浓郁，食落好爽口，推介大家一定要试！广岛蚝 ⭐️⭐️⭐️⭐️广岛蚝size唔
舖头店面虽然唔大，
但座位坐得几阔落几舒服，
装修布置好有特色好多打卡位👍🏻
重庆麻辣鸡煲 ⭐️⭐️⭐️⭐️⭐️
我哋2个人撑枱脚，叫半只鸡已经够晒食！钟意食麻辣鸡煲嘅我，好著重个鸡煲够唔够麻香味，味道够唔够浓郁🤔 呢度嘅麻辣鸡煲水准好高，麻香味重，但系唔会太辣食到流晒汗𠮶只，鸡肉保持嫩滑但系好入味😋 如果钟意食芫荽仲可以额外加，简直系荽友福音！
手切牛肩胛 ⭐️⭐️⭐️⭐️⭐️
打边炉又点可以唔食牛呢？见到呢度有手切牛肩胛平时好似少见啲，一于试吓！手切牛厚度刚刚好，我哋唔钟意食太熟，所以放落汤渌一阵就食得！牛肩胛肉味浓郁，脂肪分布适中，厚实得嚟又有种软嫩感，食落口唔会觉得难咬，值得一试🐂
台湾脆白鳝片 ⭐️⭐️⭐️⭐️⭐️
钟意食鳝片嘅就唔好错过！提提你如果谂住食海鲜嘅可以一早预订，餐厅会send定whatsapp问你，当中就包括呢款台湾脆白鳝片！白鳝片渌一阵就食得，口感果然系比较爽脆，点少少豉油更加带起到鲜味👍🏻
安格斯牛丸 ⭐️⭐️⭐️⭐️⭐️
估唔到呢度嘅牛丸咁好食，表面平平无奇，但系原来渌熟咗之后，放入口咬开系劲多汁，而且牛肉味好浓郁，食落好爽口，推介大家一定要试！
广岛蚝 ⭐️⭐️⭐️⭐️
广岛蚝size唔算大只，渌一阵就食得，食入口juicy有鲜味！最欣赏系可以叫2只，啱晒我哋2个人可以过下口瘾，少食多滋味多满足👍🏻
韭菜饺 ⭐️⭐️⭐️⭐️
我系韭菜饺fans，无论打边炉定食车仔面都一定会叫😍 呢度嘅韭菜饺韭菜味浓郁，入面超多韭菜，配埋鸡煲汤底更惹味，我一个人可以食晒4只🤣
酥炸云吞 ⭐️⭐️⭐️⭐️
酥炸云吞系我嘅至爱之一，见到呢度有当然要点！云吞炸到脆卜卜，虽然唔系好大只，但系馅料好足好入味，点埋泰式鸡酱无得顶啦😋
重庆麻辣鸡煲
22 浏览
0 赞好
0 留言
手切牛肩胛
27 浏览
0 赞好
0 留言
台湾脆白鳝片
10 浏览
0 赞好
0 留言
广岛蚝
6 浏览
0 赞好
0 留言
韭菜饺
0 浏览
0 赞好
0 留言
酥炸云吞
0 浏览
0 赞好
0 留言
张贴
