Tipsy Tap (已結業)

朋友最近喺尖沙咀发掘咗间新酒吧🍻，话要开心share，今日就去睇下佢发掘咗啲咩先...我哋一坐底，店员就好主动过嚟介绍，佢话墙上会list咗Top 20嘅饮品，仲会喺旁边列明每款嘅酒精浓度，客人可以随自己喜好拣酒精浓度，Top 1-19都系手工啤酒，唯独Top 20系一款佢哋自家制嘅发酵茶，系以著名嘅TWG Midnight hour茶叶小批🌱量酿造，味道淡淡哋几清新，我都试咗呢款。如果大家都仲系无idea想饮咩，又心思思唔知系咩味，唔驶怕，呢度可以比客人试2-3款酒🍹🍸，保证你拣到只啱饮😝。朋友拣咗款Top 2 嘅Winterpopo，蜂蜜味🐝🍯沟酒味，味道都唔错㖞！呢度除咗有酒饮，都有啲主食同小食，我哋叫咗一个主菜，一个小食。芝士🧀蟹肉🦀酿磨菇：呢个小食啱晒，total 6粒，细细粒咁，一口一磨菇，啲蟹肉好软滑，酿满成个磨菇，而且面头仲铺咗好多芝士，perfect match😚。烟煮烟熏烧烤猪肋条：采用慢煮嘅猪肋条，肉质特别稔，烟熏味重，伴碟薯条又够脆，仲可以加$20升级秘制黑松露薯条🍟。通常酒吧都只系著重饮品，好难得呢度食物同饮品都keep到水准👍。