影片
更多
2022-02-03
1873 浏览
⭐️⭐️⭐️⭐️⭐️📍Caprice (Central) ~ Five course lunch menu ($1098 per person)🍴咁啱爸爸妈妈生日好近所以就拣咗呢间米芝连3星嘅法国餐厅同两老庆祝🪅 首先餐厅好开扬，座位间距好足够唔会逼逼夹夹，店员都好亲切同attentive，唔会催你落单，而且每次放低一道菜都会介绍☺️拣好菜单之后店员就捧住一大篮热辣辣新鲜餐前面包到每位客人旁边介绍，面包有四款：芝麻包、法包、橄榄黑麦包同牛角包，最有惊喜最好食系芝麻包，面包热辣辣超松软又香芝麻味，我哋三个每人食完两款面包都忍唔到每人再encore咗一个😍，牛油系法国AOP产区认证牛油，两款分别只系有盐同无盐，两款都好香滑重牛奶味> Amuse bouche 🍴餐前小食本身得一款，系生蚝带子粒配生蚝慕丝泡沫，但系因为为食妹唔食生野所以厨师好好咁帮我转咗做artichoke salad，阿枝竹有一种特别嘅草青味，为食妹麻麻不过作为一个新尝试系okay嘅🙈，爸爸妈妈觉得生蚝同带子都好鲜甜，加埋mousse foam 食更加滑溜好特别👍🏻> Appetizer• pan fried foie
📍Caprice (Central)
~ Five course lunch menu ($1098 per person)
🍴咁啱爸爸妈妈生日好近所以就拣咗呢间米芝连3星嘅法国餐厅同两老庆祝🪅 首先餐厅好开扬，座位间距好足够唔会逼逼夹夹，店员都好亲切同attentive，唔会催你落单，而且每次放低一道菜都会介绍☺️
拣好菜单之后店员就捧住一大篮热辣辣新鲜餐前面包到每位客人旁边介绍，面包有四款：芝麻包、法包、橄榄黑麦包同牛角包，最有惊喜最好食系芝麻包，面包热辣辣超松软又香芝麻味，我哋三个每人食完两款面包都忍唔到每人再encore咗一个😍，牛油系法国AOP产区认证牛油，两款分别只系有盐同无盐，两款都好香滑重牛奶味
45 浏览
1 赞好
0 留言
> Amuse bouche
🍴餐前小食本身得一款，系生蚝带子粒配生蚝慕丝泡沫，但系因为为食妹唔食生野所以厨师好好咁帮我转咗做artichoke salad，阿枝竹有一种特别嘅草青味，为食妹麻麻不过作为一个新尝试系okay嘅🙈，爸爸妈妈觉得生蚝同带子都好鲜甜，加埋mousse foam 食更加滑溜好特别👍🏻
34 浏览
1 赞好
0 留言
> Appetizer
• pan fried foie gras with pear puree, roquefort sauce
(香煎法国鸭肝伴香梨蓉配蓝芝士汁)
🍴鸭肝充满油香，好滑唔会膻，鸭肝加蓝芝士汁原来都几夹，加咗香梨蓉、梨粒同合桃就可以中和番油腻感😋
31 浏览
1 赞好
0 留言
• oyster < Fine de Claire > celeriac puree and green apple jelly
(法国生蚝伴芹菜头蓉配青苹果啫喱)
🍴爸爸妈妈钟意食生蚝就叫咗呢道前菜，生蚝有两大粒，两老话好鲜甜，加埋青苹果啫喱增加酸甜味味道更好👍🏻
33 浏览
1 赞好
0 留言
> Soup
• crustacean bisque, crab loyal and fresh coriander
(海鲜浓汤伴蟹肉炖蛋配香草)
🍴店员首先放低一个已经有一层蟹肉炖蛋嘅碗，再喺我哋面前倒入海鲜浓汤🤩，浓汤喺非常浓郁嘅龙虾汤，仲有大大粒龙虾肉，加埋炖蛋一齐饮令浓汤更加滑溜非常顺口，超级好味😋😋
41 浏览
1 赞好
0 留言
> Fish
• daily wild caught fish with mushroom farce, black truffle and chardonnay sauce
(时令鲜鱼酿蘑菇配黑松露白酒汁)
🍴爸爸叫咗呢道时令鲜鱼一试，无听清楚店员讲系咩鱼🙈，不过爸爸话鱼肉爽口弹牙，加埋中间酿入嘅蘑菇同黑松露白酒汁，充满菇香好好食
37 浏览
1 赞好
0 留言
• fish quenelles with shellfish and champagne sauce
(法式鱼肉慕丝伴海鲜配香槟汁)
🍴为食妹未食过鱼肉慕丝所以好奇叫咗嚟试，哇😍 超有惊喜，鱼肉慕丝好顺滑好浓鱼味，旁边系小椰菜叶包住蚬肉，加埋香浓嘅香槟汁，成道菜好得意又好好味😍😍
33 浏览
1 赞好
0 留言
> Meat
• pigeon cooked with foie gras rougie, blackberries and celeriac etuve, light whiskey sauce
(法国乳鸽伴鸭肝芹菜头及黑莓配威士忌汁)
🍴薄薄嘅云吞皮包住滑嫩嘅乳鸽、鸭肝同芹菜头，口感丰富😋，有少少油腻感但系厨师好细心咁加入新鲜黑莓，黑莓嘅酸甜味正好中和咗鸭肝嘅油腻
42 浏览
1 赞好
0 留言
• roasted beef tenderloin with olive gnocchi, barigoule artichoke, natural jus
(香烤牛柳伴橄榄小面团及洋蓟配烧汁)
🍴牛柳唔系入口即溶但系好有牛味又几嫩，分量亦唔算少，为食妹几欣赏旁边嘅gnocchi，比起曾经食过其他餐厅嘅gnocchi 更加烟韧，唔会一旧粉团黏住个口😌
41 浏览
1 赞好
0 留言
> Dessert
• mont blanc, cassis confit with vanilla ice cream
(栗子慕丝伴黑醋栗配云呢拿雪糕)
🍴栗子慕丝好香浓同幼滑，自家制云呢拿雪糕见到落咗好多云呢拿籽够哂浓，加埋一齐食都几夹，不过为食妹唔系太钟意栗子所以觉得普普通通🙈
• earl grey mousse, milk chocolate cream, pear sorbet
(伯爵茶慕丝伴牛奶朱古力忌廉配香梨雪葩)
🍴比较有惊喜系呢道甜品，白朱古力杯入面系超级浓郁嘅伯爵茶慕丝，香味突岀，香梨雪葩有淡淡嘅梨味几清新，成个甜品唔会太甜好好味👍🏻👍🏻
38 浏览
1 赞好
0 留言
• almond souffle, vanilla ice cream (+ $150)
(杏仁梳乎厘配云呢拿雪糕)
🍴Caprice 嘅招牌甜品梳乎厘点可以唔试，非常大杯又焗到挺高哂嘅梳乎厘劲吸睛😍，好香杏仁味，加入自家制云呢拿雪糕喺梳乎厘中间，刮一大羹一齐食，一冰一热好过瘾😆，为食妹知道要整完美升起嘅梳乎厘系加糖喺杯边所以食嘅时候会食到一粒粒砂糖，为梳乎厘增加左脆脆嘅口感，唯一唔好处就系会偏甜🙈
30 浏览
1 赞好
0 留言
• petit four
🍴餐后甜点有三款，有柠檬挞、自家制朱古力、榛子泡芙，柠檬挞酸酸甜甜好清新，四季酒店自家制朱古力质素有保证，好香滑唔会太甜，榛子泡芙有好浓嘅榛子忌廉，泡芙唔系脆身不过都无腍啤啤都唔错嘅，配埋四季酒店特式招牌茶解腻，为呢餐画上完美句号☺️☺️
32 浏览
1 赞好
0 留言
整体来讲系一餐非常满足嘅午餐，店员服务态度好好，每次放低菜肴都会介绍菜式，食物质素非常之好，每道菜都好精致，为食妹同屋企人都食得非常满足，大推大家去试呀！👍🏻
—————————
⭐️⭐️⭐️⭐️⭐️
💲💲💲💲💲
张贴
