尚香 (已結業)

每次搭车经过呢间铺，唔系要排长龙，就系卖哂，一路想试好耐，今日放假终于有机会俾我试下，呢间铺既铺名抬头写住“舌尖上的中国”令我回想起多年前一次上海之旅，有栋楼高三层专食小笼包同蟹既餐厅，当时既我一心想试大既小笼汤包，点知卖完。无谂过事隔咁多年，竟然可以系香港食到同样size既小笼包，仲要勾起咁多回忆，真系有惊喜。呢度除咗大热既大蟹黄汤包，仲有几受欢迎的蟹黄或鲜肉小汤包，一客有五个；几特别既糯米烧卖四个为一份。我黎到呢度已经四点几，可惜几款选择已经卖完，唯有食大热的蟹黄汤包。上一转出炉既汤包子俾我前面果pair情侣买咗，轮到我咁啱要等十五分钟，唯有周围逛下，呢条广华街简直系旺角区扫街天堂，食到您饱饱 。逛完一轮，有得拎啦。拳头咁大既汤包都系第一次见，拎左支饮管啜啖先，好多汤咇出黎，不过要小心，真系好易烫亲条利，汤包皮够薄，加上入面馅料真系有蟹肉和蟹糕，无呃您，真系有蟹肉，想试既朋友，建议唔好太晏去，啲汤包子真系会卖完。