百一旗亭 (已結業)

平日同屋企人放工后食饭，喺观塘骆驼漆近近哋揾到间日本嘢。嗌咗个一人火锅，加几分串烧同炸物，埋单每人200。个肥牛锅食和风清汤，好多料好抵食，又有年糕福袋又有鱼饼。牛舌同免治鸡肉棒串烧好好食，牛舌烧得啱啱好，鸡肉棒配日本蛋黄好creamy。鸡皮饺子，吉列炸蚝，可乐饼同炸鸡软骨都好好食。宫崎南蛮鸡都好出色，个人认为可以加返个南蛮酸醋汁。食完再嗌多个清酒煮蚬，一份都有十几只，好抵食。我哋仲嗌咗杯抹茶拿铁同黑豆茶，抹茶拿铁唔太甜，黑豆茶好香。下次试下平日晏昼嚟食lunch。