Lucky Ristorante (已結業)

离开咗旺角返工之后，都好耐冇嚟食过，今日约朋友聚会，想揾个坐得舒服啲嘅地方，所以就决定返嚟呢间。我哋嚟嘅时候啱啱开门，所以可以坐到卡位，有太阳晒住，真系超级舒服。佢嘅lunch set相比起其他地方都比较丰富，有汤有沙律。重点系佢嘅头盘一啲都唔马虎，朋友拣咗烟三文鱼凯撒沙律，我自己拣咗吉列炸蚝薯仔沙律，粒豪好肥美好Juicy，够热！主食方面，我哋都对西冷比较有兴趣！见到朋友个意粉卖相好靓，佢话意粉弹牙，酸味味够开胃。不过要留意嘅系，佢嘅牛扒煎得比较熟，所以叫五成就刚刚好喇！最后分享吓佢嘅嘢饮，加$15就可以饮其他咖啡或者朱古力，拉花睇得出好用心，啡同朱味都够浓。咁就吹咗3个钟头水