影片
更多
2017-11-18
109 浏览
秋风起又系打边炉时间，之前同朋友嚟尖咀都食开边边放题，今次呢位朋友喺加国返嚟香港放假，话冇食火锅好耐，要我揾间高质嘅，「钱唔系问题」……。有你呢句就得啦，我拣左有边边打嘅辉哥私房菜，私房菜客人贵精不贵多，啱晒咁耐冇见，想静静地一边烚一边吹嘅我地。既然外国返嚟，一于拣返个chinese style锅底。杏汁猪肺锅$88 - 有少少奇怪，冇乜杏汁味咁，味道唔系我expect𠮶只杏汁猪肺汤味道，不过材料十足，有南北杏、猪肺、西洋菜，个锅味道都唔错嘅，亦唔会太浓味而抢咗食物味道。西洋菜够多，可以悭返叫少碟菜。特级安格斯牛颈脊(大)$298 - 作为牛魔王嘅我地，呢碟就梗系必点啦，见到啲雪花纹就足以令我双眼发光，望落真系好似成块有花纹嘅红色布咁。牛肉牛味好浓郁，好新鲜，当然唔少得满口油香，大满足~我朋友可能太耐冇食到咁靓嘅牛 (佢应该食牛扒多，但烚烚烚先原汁原味嘛)，食完一碟仲要encore，好啦，陪吓佢食多碟啦。手打芝士鲜虾丸$78巨型虾丸，每粒都大过一粒乒乓波。好多虾丸入面都会加入大量肥猪肉充数，呢碟食唔出有肥猪肉，好似系全部都系虾肉，鲜味足又弹牙。而且中间有芝士，好好食。新鲜脆肉鲩鱼腩$6
既然外国返嚟，一于拣返个chinese style锅底。杏汁猪肺锅$88 - 有少少奇怪，冇乜杏汁味咁，味道唔系我expect𠮶只杏汁猪肺汤味道，不过材料十足，有南北杏、猪肺、西洋菜，个锅味道都唔错嘅，亦唔会太浓味而抢咗食物味道。西洋菜够多，可以悭返叫少碟菜。
特级安格斯牛颈脊(大)$298 - 作为牛魔王嘅我地，呢碟就梗系必点啦，见到啲雪花纹就足以令我双眼发光，望落真系好似成块有花纹嘅红色布咁。
牛肉牛味好浓郁，好新鲜，当然唔少得满口油香，大满足~我朋友可能太耐冇食到咁靓嘅牛 (佢应该食牛扒多，但烚烚烚先原汁原味嘛)，食完一碟仲要encore，好啦，陪吓佢食多碟啦。
手打芝士鲜虾丸$78
巨型虾丸，每粒都大过一粒乒乓波。好多虾丸入面都会加入大量肥猪肉充数，呢碟食唔出有肥猪肉，好似系全部都系虾肉，鲜味足又弹牙。而且中间有芝士，好好食。
新鲜脆肉鲩鱼腩$68
切到好大片，好新鲜，超弹牙爽甜。
超甜粟米$38 - 食咁多肉，当然要食返啲纤维balance吓。粟米件切到细细旧，食都方便啲，味道真系好够甜，又够juicy。
西班牙黑豚肉$88 - 好多人打边炉重点食牛，但其实猪肉打边炉都唔错。靓嘅豚肉，油脂分布都几均匀，食落口感都算嫩滑，肉味浓郁。切到大大块，一啖一块啱啱好，食落好有满足感。
新鲜白鳝片$88 - 都算切得几大块，食落肉质又够爽，充满鱼肉味。
特级一口牛柳粒$138 - 一口牛烚𠮶阵比较难控制，因为中心较难熟，不过呢d靓牛，生少少都唔惊啦。每粒嘅脂肪比例都够平衡，食落牛肉味配合油脂香，好鬼正。我朋友又「啪」咗好多粒。
食过几间私房菜，每一间服务都好好，呢间都唔例外，细细间就有呢个好处，唔似啲火锅店几位伙记serve全场，伙记满场跑之余，客人要求服务又叫天不应咁。
另外，做得私房菜，当然有小菜小炒，朋友话下次返嚟要试吓，我就当然乐意奉陪。
张贴
