紙飛機親子空間

营业中

休息中

今日约咗个朋友带佢个囡囡一齐嚟玩呢间纸飞机，以前我带囡囡嚟过，佢好钟意，又有得玩又有得食。闲日唔算太多人，反而可以同朋友好好倾计，又望到小朋友2个自己玩。首先畀佢哋两个自己玩一阵，呢度有角色扮演（有公主衫），弹床，煮饭仔，车仔，波波池，佢哋两个入到嚟都好兴奋！玩咗一阵之后就肚饿，咁我哋就叫嘢食，真系够晒方便！叫咗个儿童餐畀佢地，除咗有果汁，仲有个得意造型嘅猪仔蒸包，炒面，生果，鸡蛋同虾等等，唔会落太多调味，有为小朋友考虑亦都好符合妈妈要求！小朋友转头食完嘢之后就玩下静态少少嘅煮饭仔，大大个煮食区，好多食材选择，玩煮饭都煮成个钟呀🤣🤣佢地食完玩紧期间，就到大人开餐，叫左个台式卤肉手工面，个份量多到吓亲我地，手工面有咬劲，Q弹好好食，配埋卤水汤汁，滑溜溜好味道。至于卤肉同样好食，有肥肉香又似滑啫喱，同时有卤入味嘅猪肉，好滋味又邪恶！一路同朋友倾计食野，小朋友又有自己玩耍时间，叹埋杯抹茶饮品，轻松舒服！