July Coffee & Co.

营业中

休息中

平时甚少去深井，提起深井通常只会联想到烧鹅，适逢呢日老公生日，专登入嚟食下嘢嚟到呢间cafe，门面同装修带有田园风，户外位置有白色枱椅，感觉舒服亦可以带宠物用餐。❇️樱花虾喇沙海鲜扁意粉 $108✅海鲜包括青口同埋带子粒，海鲜份量都唔少，扁意粉煮得恰到好处，喇沙汁酱辣辣地够惹味，但青口略嫌唔够入味❇️开心果窝夫牛角包 $48✅外型卖相已经相当吸引，面层舖满开心果粒，中间有开心果酱同一层层好似云朵的cream，每一口都充满开心果香味但又唔会死甜。窝夫牛角包外层少许脆口入口松软，成个包特别之余亦好食！❇️自家烘焙巴斯克半熟芝士蛋糕 $42✅呢款甜品系店员推荐的，口感软熟，而且芝士味道香浓，亦唔会觉得好腻，唔错！饮品：❇️冻比利时朱古力 $42✅朱古力味道浓郁，虽然系冻饮加咗冰，但都唔会沟淡朱古力香味，甜度刚刚好❇️冻Dirty $40✅入口顺滑，咖啡味都几香店员同我地讲今日刚刚改咗菜单，而佢地亦会不时改菜式，希望了解食客意见令佢地可以持续改进，感觉佢地用心经营。