早安越南 (已結業)

同女朋友拍完拖拖搭船去咗黄埔，太肚饿嘅关系一落船马上周围揾餐厅，上到去黄埔美食坊人山人海。难得见到呢间餐厅仲有座位就马上walk-in.好耐都冇食越南泰国嘢，一时之间都拣唔到食咩好，餐牌嘅选择十分多。不过价钱都算比想像中便宜，而且装修好有特色，座位舒服，服务员态度都好好。谂左一阵就先点4串串烧，二猪二牛。太肚饿嘅关系，等唔切相机食先，猪肉串烧好香口，食得出系新鲜烧起仲要脆边，好食过之前九龙城食嘅唔少餐厅。牛肉有啲难咬，不过酱汁搭救一样好食。另外仲叫咗碟菠萝海鲜炒饭同埋咸鱼炒椰菜苗，份量都比想像中大，足料！炒饭炒得好干身，有机会都想试埋其他炒饭。最令我惊喜嘅系佢哋嘅沙冰，我哋点左一杯奇异果一杯香蕉沙冰。沙冰磨得非常幼细，口感一流，而且生果味道非常突出，系用新鲜生果整，好有诚意，价钱又抵，值得大家一试。