Madam Saigon (已結業)

今日去开尖沙咀美丽华商场，想食越南菜又唔想行太远，落一层就揾到呢间madam saigon，外观系一间西餐厅不过系食越南野，好似好正咁，就去试下！首先叫个汤先，见有大头虾冬荫公汤㖞，嗜辣既我地二话不说即叫啦！黎到果然无后悔，非常足料，Ｄ虾又大只又新鲜，仲有好多蚬肉同鱿鱼，辣度刚刚好，甜甜地易入口，饮完更加开胃！之后我地叫左个芥末籽虎虾米纸卷，有六件，两个人分刚刚好！米纸好新鲜，配合虎虾非常惹味，芥末同Ｄ菜又有种清新感觉！最后我地叫左个烧香茅牛肉虾片，好特别既一道菜！Ｄ虾片卜卜脆，牛肉好爽口，食咁多次越南菜都未食过呢样，以后要再叫过！呢间餐厅系商场地下一层，人流唔多，而且刚巧外面有音乐表演，我地就系悠扬既乐声中共晋晚餐，感觉非常写意！